​ഗുജറാത്തിൽ ഇഞ്ചോടിഞ്ച് പോരാട്ടം: കോൺഗ്രസ് മുന്നിൽ

ന്യൂഡൽഹി: ഗുജറാത്ത് നിയമസഭാ തെരഞ്ഞെടുപ്പിൽ വോട്ടെണ്ണൽ പുരോഗമിക്കവേ കോൺഗ്രസ് മുന്നിലെത്തി. ആദ്യ ഫലങ്ങൾ വന്ന് തുടങ്ങിയപ്പോൾ ഹിമാചലിലും ഗുജറാത്തിലും ബിജെപിയാണ് മുന്നിട്ട് നിന്നിരുന്നത്. എന്നാൽ തുടക്കത്തിലെ ട്രെൻറ് മാറി മറിയുകയാണ്.

എക്സിറ്റ് പോൾ ഫലങ്ങളെയെല്ലാം കാറ്റിൽ പറത്തി കോൺഗ്രസ് മുന്നേറുകയാണ്. 89 സീറ്റുകളിൽ കോൺഗ്രസ് മുന്നിട്ട് നിൽക്കുകയാണ്. എന്നാൽ 76 സീറ്റുകളിലാണ് ബിജെപിയുടെ മുന്നേറ്റം. വടക്കൻ ഗുജറാത്തിലാണ് ബിജെപിക്ക് കാര്യമായ തിരിച്ചടി ലഭിക്കുന്നത്.

ഹിമാചൽ പ്രദേശിൽ 29 സീറ്റുകളിൽ ബിജെപി മുന്നിട്ട് നിൽക്കുമ്പോൾ 15 ഇടത്ത് കോൺഗ്രസാണ് മുന്നിൽ. ഗുജറാത്തിൽ മുഖ്യമന്ത്രി വിജയ് രൂപാനി, ദളിത് നേതാവ് ജിഗ്നേഷ് മേവാനി തുടങ്ങിയവർ മുന്നിട്ട് നിൽക്കുകയാണ്.