കേരളം സന്ദർശിക്കാൻ ഒരുങ്ങി രാഹുൽ ഗാന്ധി

ന്യൂഡൽഹി: പ്രളയ ബാധിത പ്രദേശങ്ങൾ സന്ദര്‍ശിക്കാന്‍ കേണ്‍ഗ്രസ് അധ്യക്ഷന്‍ രാഹുല്‍ ഗാന്ധി കേരളത്തിലെത്തും. ചൊവ്വാഴ്ച കേരളത്തിലെത്തുന്ന രാഹുൽ ഗാന്ധി വിവിധ ദുരിതാശ്വാസ ക്യാമ്പുകൾ സന്ദർശിക്കും.

ഓഗസ്റ്റ് 29 ന് ബാണാസുര സാഗർ ഡാം തുറന്നു വിട്ട് നാശനഷ്ടമുണ്ടായ കോട്ടത്തറ വില്ലേജ് സന്ദർശിക്കും. പ്രളയ ദുരത്തിൽ അകപ്പെട്ട കേരളത്തിന് അഞ്ച് ലക്ഷം രൂപയുടെ 1000 വീടുകൾ വച്ചു നൽകുമെന്നും കോൺഗ്രസ് അറിയിച്ചു. കോൺഗ്രസ് മണ്ഡലം കമ്മിറ്റിക്കാണ് വീടുവച്ചു നൽകുവാനുള്ള ചുമതല.

രക്ഷാപ്രവർത്തനത്തിന് മുൻകൈയെടുത്ത മത്സ്യതൊഴിലാളികളെ ആദരിക്കുമെന്നും കെപിസിസി അധ്യക്ഷൻ എംഎം ഹസ്സൻ വ്യക്തമാക്കി. ദുരിതാശ്വാസ ക്യാമ്പുകളിൽ നിന്നും തിരിച്ചുപോകുന്നവർക്ക് 10,000 രൂപ കൈവശം നൽകുമെന്നും ഹസ്സൻ വ്യക്തമാക്കി.