കോൺഗ്രസ് നേതാവ് എന്‍.ഡി.തിവാരിയുടെ നില ഗുരുതരം

ന്യൂഡൽഹി: മുതിർന്ന കോൺഗ്രസ് നേതാവ് എന്‍.ഡി.തിവാരിയുടെ ആരോഗ്യസ്ഥിതി മോശമായതിനെ തുടർന്ന് അദ്ദേഹത്തെ എെസിയുവിലേക്ക് മാറ്റി. മസ്തിഷ്ക ആഘാതത്തെ തുടർന്ന് തിവാരിയെ ഡൽഹിയിൽ ആശുപത്രിയിൽ പ്രവേശിപ്പിച്ചിരുന്നു.

ഞായറാഴ്ച രാവിലെയാണ് അദ്ദേഹത്തെ തീവ്രപരിചരണ വിഭാഗത്തിലേക്ക് മാറ്റിയത്. ഉത്തർപ്രദേശ്, ഉത്തരാഖണ്ഡ് സംസ്ഥാനങ്ങളുടെ മുഖ്യമന്ത്രിയായിരുന്നു തിവാരി. ഇന്ത്യയിൽ രണ്ട് സംസ്ഥാനങ്ങളിൽ മുഖ്യമന്ത്രിയായ ഏകവ്യക്തിയാണ് അദ്ദേഹം. മുൻ കേന്ദ്ര വിദേശകാര്യ മന്ത്രിയും ആയിരുന്നു.