ഇങ്ങനെയെങ്കിൽ കോൺഗ്രസ് 50 വർഷത്തേക്ക് പ്രതിപക്ഷ സ്ഥാനത്തിരിക്കേണ്ടി വരും: ഗുലാം നബി ആസാദ്

ന്യൂഡൽഹി: സംഘടനാ തെരഞ്ഞെടുപ്പ് ആവശ്യമാണെന്ന ആവശ്യവുമായി മുതിർന്ന കോൺഗ്രസ് നേതാവ് ഗുലാം നബി ആസാദ് വീണ്ടും രംഗത്ത്. അടുത്ത അമ്പത് വർഷം പ്രതിപക്ഷ സ്ഥാനത്ത് ഇരിക്കാനാണെങ്കിൽ സംഘടനാ തെരഞ്ഞെടുപ്പ് ആവശ്യമില്ലെന്നും അദ്ദേഹം പറഞ്ഞു. 27 മിനിറ്റ് ദൈർഘ്യമുള്ള ഫേസ്ബുക്ക് വീഡിയോയിലാണ് അദ്ദേഹം തന്റെ അഭിപ്രായം വ്യക്തമാക്കിയിരിക്കുന്നത്.

Also Read: കേന്ദ്രം ചോദിക്കുന്നത് 'ലൈംഗിക താത്പര്യം, രാഷ്ട്രീയം, ജാതി': ഡിജിറ്റൽ ആരോഗ്യ മിഷൻ കരട് തയ്യാർ

10-15 വർഷം മുമ്പ് കോൺഗ്രസിന്റെ സംഘടനാ തെരഞ്ഞെടുപ്പ് നടത്തേണ്ടതായിരുന്നു. കഴിഞ്ഞ കുറച്ച് ദശകങ്ങളായി പാർട്ടിയിൽ തെരഞ്ഞെടുപ്പ് നടക്കുന്നില്ല. നാം ഇപ്പോൾ തെരഞ്ഞെടുപ്പുകളിൽ പരാജയപ്പെട്ടുകൊണ്ടിരിക്കുന്നു. തിരികെ വരണമെങ്കിൽ പാർട്ടിയെ ശക്തിപ്പെടുത്തേണ്ടതുണ്ട്. തെരഞ്ഞെടുപ്പ് നടത്തുകയാണ് അതിനുള്ള മാർഗ്ഗം, അദ്ദേഹം പറഞ്ഞു.

Also Read: ഏറ്റവും ഉയര്‍ന്ന രോഗബാധ; 77,000 ത്തിലധികം കൊവിഡ് രോഗികള്‍, 1057 മരണം

തോൽവി ഭയന്ന് നേതൃസമിതിയിലെ ചിലർ തെരഞ്ഞെടുപ്പ് നീട്ടിവെക്കാനാണ് ശ്രമിക്കുന്നത്. നാമനിർദ്ദേശത്തിലൂടെ പ്രവർത്തക സമിതി അംഗങ്ങളായവരാണ് അവർ. തന്റെ ആവശ്യത്തെ എതിർക്കുന്നവർ തെരഞ്ഞെടുപ്പ് നടന്നാൽ ആ സ്ഥാനങ്ങളിൽ ഉണ്ടാവില്ലെന്നും അദ്ദേഹം വ്യക്തമാക്കി.