കോൺഗ്രസ് പ്രവർത്തക സമിതിയിൽ കേരളത്തിൽ നിന്ന് നാല് പേർ

ന്യൂഡൽഹി: കോൺഗ്രസ് പ്രവർത്തക സമിതി അംഗങ്ങളെ പ്രഖ്യാപിച്ചു. സ്ഥിരം ക്ഷണിതാക്കളും പ്രത്യേക ക്ഷണിതാക്കളും ഉൾപ്പെടെ 51 പേരുടെ പട്ടികയാണ് പ്രഖ്യാപിച്ചിരിക്കുന്നത്. എ.കെ. ആന്റണി, ഉമ്മന്‍ ചാണ്ടി, കെ.സി വേണുഗോപാല്‍ എന്നിവരാണ് കേരളത്തിൽ നിന്ന് സമിതിയിൽ ഉള്ളത്. സ്ഥിരം ക്ഷണിതാക്കളിൽ പി.സി.ചാക്കോയുമുണ്ട്.

രാഹുല്‍ ഗാന്ധി, സോണിയ ഗാന്ധി, മന്‍മോഹന്‍ സിങ്, മോത്തിലാല്‍ വോറ, അഹമ്മദ് പട്ടേല്‍, ഗുലാം നബി ആസാദ്, സിദ്ദരാമയ്യ, മല്ലികാര്‍ജുന ഖാര്‍ഗെ, ആനന്ദ് ശര്‍മ, തരുണ്‍ ഗൊഗോയ്, അശോക് ഗലോട്ട്, അംബികാ സോണി, കുമാരി ഷെല്‍ജ തുടങ്ങിയ പ്രമുഖ നേതാക്കൾ പ്രവർത്തക സമിതിയിൽ ഉണ്ട്.



സമിതിയുടെ ആദ്യയോഗം ജൂലൈ 22ന് ചേരും. ജനാർദ്ദൻ ദ്വിവേദിയെ സമിതിയിൽ നിന്ന് ഒഴിവാക്കിയിട്ടുണ്ട്.