ഛത്തീസ്ഗഡ് കോൺഗ്രസ് വർക്കിങ് പ്രസിഡന്റ് ബിജെപിയിൽ

ബിലാസ്പൂർ: നിയമസഭാ തെരഞ്ഞെടുപ്പിന് ഒരുമാസം ശേഷിക്കെ ചത്തീസ്ഗഡിൽ കോൺഗ്രസ് വർക്കിങ് പ്രസിഡന്റ് ബിജെപിയിൽ. പാർടി വർക്കിങ് പ്രസിഡന്റും പാലി തനാഘർ എംഎൽഎയുമായ രാം ദയാൽ ഉയിക്കാണ് കോൺഗ്രസ് വിട്ട് ബിജെപിയിൽ ചേർന്നത്. ബിജെപി ദേശീയ അദ്ധ്യക്ഷൻ അമിത് ഷായുടെ നേതൃത്വത്തിലാണ് രാം ഉയിക്ക് ബിജെപി അംഗത്വമെടുത്തത്.

ബിസ്ലാപ്പൂരിൽവെച്ചുനടന്ന ചടങ്ങിലാണ് രാം ഉയിക്ക് ബിജെപി അംഗത്വം സ്വീകരിച്ചത്. ബിസ്ലാപ്പൂരിൽ പ്രചാരണം നടത്തുന്ന ബിഎസ്പി നേതാവ് മായാവതിയുമായി ഇന്ന് അമിത്ഷാ കൂടിക്കാഴ്ച നടത്തുമെന്നാണ് റിപ്പോർട്ട്.

കോൺഗ്രസ് ടിക്കറ്റിൽ നാലുതവണ എംഎൽഎയായിട്ടുള്ള രാം ദയാൽ 2018 ജനുവരിയിലാണ് കോൺഗ്രസ് വർക്കിങ് പ്രസിഡന്റായി തെരഞ്ഞെടുക്കപ്പെട്ടത്. ഈ തെരഞ്ഞെടുപ്പിൽ ബിജെപിയെ അധികാരത്തിൽനിന്നും താഴെയിറക്കുമെന്ന് രാം ദയാൽ പറഞ്ഞിരുന്നു. എ

രാം ദയാലുമായി ചർച്ച നടത്തിയിരുന്നെങ്കിലും അദ്ദേഹം പരാതികളൊന്നും ഉന്നയിച്ചിരുന്നില്ലന്ന് കോൺഗ്രസ് സംസ്ഥാന അദ്ധ്യക്ഷൻ ഭൂപേഷ് ഭഗേൽ പറഞ്ഞു. തെരഞ്ഞെടുപ്പ് അടുക്കുമ്പോൾ ചില പ്രവർത്തകർ പാർടി വിടുന്നത് സ്വാഭാവികമാണെന്നും അദ്ദേഹം പറഞ്ഞു.