ശിക്ഷ
20 വര്‍ഷത്തെ തടവ് ശിക്ഷയ്ക്ക് പുറമെ, 20,000 രൂപയുടെ പിഴയും പ്രത്യേക പോക്സോ കോടതി വിധിച്ചിട്ടുണ്ട്. കുട്ടിയുടെ പിതാവിന്റെ പരാതിയിൽ 2017 ഡിസംബര്‍ ഒന്നിനാണ് പോലീസ് കേസെടുത്തത് എന്ന് ടൈംസ് ഓഫ് ഇന്ത്യ റിപ്പോര്‍ട്ട് ചെയ്യുന്നു.
ഉപദ്രവം ശുചിമുറിയിലേക്ക് പോകുമ്പോള്‍
കുട്ടിയുടെ ശരീരത്തിൽ പൊള്ളലേറ്റ പാടുകള്‍ കണ്ട് കാര്യം അന്വേഷിച്ചപ്പോഴാണ് പീഡന വിവരം പുറത്തുവന്നത് എന്ന് പരാതിയിൽ കുട്ടിയുടെ പിതാവ് പറഞ്ഞു. കുട്ടിയുമായി ശുചിമുറിയിലേക്ക് പോകുമ്പോള്‍ അനുചിതമായി സ്പര്‍ശിച്ചുവെന്നും പരാതിയിൽ പറയുന്നു. സ്കൂളില്‍ അടുത്തിടെ ചേര്‍ന്ന ആയയാണ് ഇത്തരത്തിൽ മോശമായി പെരുമാറിയത് കുട്ടി പിതാവിനോട് പറഞ്ഞിരുന്നു.
സിഗരറ്റ് ഉപയോഗിച്ച് പൊള്ളിച്ചു
സംഭവിച്ച കാര്യങ്ങള്‍ ആരോടെങ്കിലും പറഞ്ഞാൽ ഗുരുതരമായ പ്രത്യാഘാതങ്ങള്‍ നേരിടേണ്ടി വരുമെന്നും യുവതി കുട്ടിയെ ഭീഷണിപ്പെടുത്തിയതായി കുട്ടി പിതാവിനോട് പറഞ്ഞതായി പോലീസ് പറയുന്നു. അതിന് പുറമെ, സിഗരറ്റ് ഉപയോഗിച്ചും ലൈറ്റര്‍ ഉപയോഗിച്ചും ശരീരത്തിൽ പൊള്ളിച്ചതായും കുട്ടി പറഞ്ഞു.
ലൈംഗികമായി പീഡിപ്പിച്ചു
നിരന്തരം ഭീഷണിപ്പെടുത്തി കുട്ടിയെ ലൈംഗികമായി പീഡിപ്പിച്ചിരുന്നതായും പൊലീസ് കണ്ടെത്തിയിട്ടുണ്ട്. പൊലീസ് അന്വേഷണത്തിൽ കണ്ടെത്തിയ കാര്യങ്ങളുടെയും അസിസ്റ്റന്റ് പബ്ലിക് പ്രോസിക്യൂട്ടർ ആയിഷ റാഫത്ത് ഉന്നയിച്ച വാദഗതികളുടെയും അടിസ്ഥാനത്തിൽ കോടതി പ്രതിക്ക് 20 വർഷത്തെ തടവുശിക്ഷയും പിഴയും വിധിക്കുകയായിരുന്നു.
ലൈംഗിക കുറ്റകൃത്യങ്ങളിൽ നിന്നുള്ള കുട്ടികളുടെ സംരക്ഷണ നിയമത്തിലെ നിരവധി വകുപ്പുകളും പ്രതികൾക്കെതിരെ ഐപിസിയുടെ 504 (ക്രിമിനൽ ഭീഷണിപ്പെടുത്തൽ) വകുപ്പുകൾ 324 (അപകടകരമായ ആയുധങ്ങൾ അല്ലെങ്കിൽ മാർഗങ്ങൾ ഉപയോഗിച്ച് സ്വമേധയാ ഉപദ്രവിക്കുന്നത്) എന്നിവ പോലീസ് ചുമത്തിയിട്ടുണ്ട്.