25 കിലോ കഞ്ചാവ് കാണാനില്ല; അടിച്ചുമാറ്റിയത് എലിയെന്ന് പോലീസ്

എലിയെപ്പേടിച്ച് ഇല്ലം ചുടുക എന്ന പഴഞ്ചൊല്ല് അന്വർത്ഥമാക്കുന്ന തരത്തിലുള്ള ഒരു അവസ്ഥയിലാണ് നാഗ്‍പൂ‍‍ർ പോലീസുകാർ. എലിശല്യം കാരണം റെയിൽവെ പോലീസുകാർ പൊറുതിമുട്ടിയിരിക്കുകയാണ്. കഴിഞ്ഞ ദിവസം സ്റ്റേഷനിൽ സൂക്ഷിച്ച കഞ്ചാവ് കാണാതായി. എലികൾ അടിച്ചുമാറ്റിയതായിരിക്കുമെന്ന നിഗമനത്തിലാണ് പോലീസുകാർ.

ഇതിനുമുൻപ് പ്ലാസ്റ്റിക് കവറിൽ സൂക്ഷിച്ചിരുന്ന കഞ്ചാവും മദ്യകുപ്പികളും എലികൾ കരണ്ട് നശിപ്പിച്ചിരുന്നു. പിടിച്ചെടുത്ത കഞ്ചാവും മദ്യവുമൊക്കെ സൂക്ഷിക്കുന്ന വെയർഹൗസിലാണ് സംഭവം. കവറിൽ സൂക്ഷിച്ചിരുന്ന കഞ്ചാവാണ് ഇപ്പോൾ കാണാതായിരിക്കുന്നത്.

25 കിലോ കഞ്ചാവാണ് കാണാതായിരിക്കുന്നത്. എലിശല്യമുള്ളതിനാൽ മറ്റൊരു തരത്തിൽ കാണാതാകാൻ ഇടയില്ലെന്നാണ് റെയിൽവെ പോലീസിലെ മുതിർന്ന ഉദ്യോഗസ്ഥൻ വ്യക്തമാക്കിയത്. നിരവധി സാധനങ്ങൾ കുന്നുകൂടി കിടക്കുന്നുണ്ടെങ്കിലും കോടതി ഉത്തരവില്ലാതെ ഇവയൊന്നും നശിപ്പിക്കാൻ സാധിക്കില്ലെന്നും പോലീസ് വ്യക്തമാക്കി.

Cops blame rats for missing marijuana from Nagpur railway station

A senior officer blamed the furry rodents for the disappearance of a haul of drugs from a warehouse at Nagpur railway station in the western state of Maharashtra.