ഒറ്റദിവസത്തില്‍ ഏറ്റവും ഉയര്‍ന്ന കൊവിഡ് ബാധിതര്‍
കഴിഞ്ഞ 24 മണിക്കൂറില്‍ കൊവിഡ്- 19 പുതുതായി സ്ഥിരീകരിച്ചത് 4,987 പേര്‍ക്കാണ്. രോഗബാധിതരുടെ എണ്ണത്തില്‍ രാജ്യത്ത് ഏറ്റവും കൂടുതല്‍ രോഗബാധിതര്‍ റിപ്പോര്‍ട്ട് ചെയ്യപ്പെട്ടത് കഴിഞ്ഞ ഇരുപത്തിനാല് മണിക്കൂറാണ്. ഇതിനുമുമ്പ്, മെയ് 10 നായിരുന്നു ഏറ്റവും ഉയര്‍ന്ന കണക്ക്. ഇന്നലെ മാത്രം 118 പേരാണ് മരിച്ചത്. ഇതോടെ, രാജ്യത്തെ ആകെ കൊവിഡ് മരണസംഖ്യ 2,872 ആയി ഉയര്‍ന്നു. ഇതുവരെ 34,224 പേരാണ് രാജ്യത്ത് കൊവിഡ് മുക്തി നേടിയത്.
പുതിയ മരണങ്ങളുടെ കണക്കില്‍ ഇന്ത്യ നാലാം സ്ഥാനത്ത്
രാജ്യത്ത് പുതിയ മരണങ്ങളുടെ കണക്കുകള്‍ നോക്കുമ്പോള്‍ ശനിയാഴ്ച ലോകത്ത് എട്ടാം സ്ഥാനത്താണ് ഇന്ത്യ എത്തിയിരിക്കുന്നത്. എന്നാല്‍, കൊവിഡ് കേസുകളുടെ എണ്ണത്തില്‍ ശനിയാഴ്ച ഇന്ത്യ നാലാം സ്ഥാനത്താണ്. ഞായറാഴ്ച രാവിലെ 10 മണിവരെ 279 പുതിയ കൊവിഡ് കേസുകളാണ് ഇന്ത്യയില്‍ റിപ്പോര്‍ട്ട് ചെയ്യപ്പെട്ടത്.
രണ്ട് ദിവസത്തിനകം രോഗികള്‍ ഒരു ലക്ഷം കവിഞ്ഞേക്കും
ഒരു ദിവസം അയ്യായിരത്തോളം കൊവിഡ് കേസുകള്‍ രാജ്യത്ത് കൂടുന്ന രീതിയാണ് കാണുന്നത്. ഈ സാഹചര്യത്തില്‍ രണ്ടു ദിവസത്തിനകം തന്നെ രാജ്യത്ത് കൊവിഡ് രോഗബാധിതരുടെ എണ്ണം ഒരു ലക്ഷം കവിഞ്ഞേക്കുമെന്നാണ് സൂചന. രാജ്യം നാലാംഘട്ട ലോക്ക്ഡൗണിലേക്ക് കടക്കുമ്പോഴും കൊവിഡ് കേസുകളുടെ വര്‍ധന ആശങ്ക ജനിപ്പിക്കുന്നതാണ്. ഇതുവരെ രോഗം ഭേദമായവര്‍ 34,108 ആണ്. രാജ്യത്ത് രോഗമുക്തി നേടിയവരുടെ ശതമാനം 37.51 ആയി ഉയര്‍ന്നു.
ഏറ്റവും കൂടുതല്‍ കൊവിഡ് കേസുകള്‍ ഈ സംസ്ഥാനങ്ങളില്‍
രാജ്യത്ത് ഏറ്റവും കൂടുതല്‍ കൊവിഡ് കേസുകള്‍ മഹാരാഷ്ട്ര, ഡല്‍ഹി, തമിഴ്‌നാട്, ഗുജറാത്ത് എന്നീ സംസ്ഥാനങ്ങളില്‍ ആണ്. രാജ്യത്തെ ആകെ കൊവിഡ് കേസുകളില്‍ മൂന്നിലൊന്നും മഹാരാഷ്ട്രയിലാണ്. 30,706 കൊവിഡ് കേസുകളാണ് മഹാരാഷ്ട്രയില്‍ റിപ്പോര്‍ട്ട് ചെയ്തിരിക്കുന്നത്. ഇതില്‍ 18,500 കേസുകളും മുംബൈയിലാണ്. തമിഴ്‌നാട്ടിലും ഗുജറാത്തിലും രോഗബാധിതരുടെ എണ്ണം പതിനായിരം കടന്നു.