ചൈനയിലേക്ക് വിമാനം പറത്തിയ 5 എയർ ഇന്ത്യ പൈലറ്റുമാർക്ക് കൊവിഡ് 19

മുംബൈ: അഞ്ച് എയർ ഇന്ത്യ പൈലറ്റുമാർക്ക് കൊവിഡ് 19 സ്ഥിരീകരിച്ചു. ചൈനയിലെ ഗ്വാങ്ഷോയിലേക്ക് ഈയടുത്ത ദിവസങ്ങളിൽ ചരക്കുവിമാനം പറത്തിയ പൈലറ്റുമാർക്കാണ് കൊവിഡ് സ്ഥിരീകരിച്ചത്. ലോക് ഡൗണിനിടയിലും മറ്റ് രാജ്യങ്ങളിലേക്ക് എയർ ഇന്ത്യ ചരക്കു വിമാനങ്ങൾ സർവീസ് നടത്തുന്നുണ്ട്. ഏപ്രിൽ 18ന് മെഡിക്കൽ ഉപകരണങ്ങളും മറ്റുമായി ഡൽഹി - ഗ്വാങ്ഷോ യാത്ര നടത്തിയ ബോയിങ് 787 വിമാനത്തിലെ പൈലറ്റുമാർക്കാണ് കൊവിഡ് സ്ഥിരീകരിച്ചത്.

മെഡിക്കൽ ഉപകരണങ്ങളും മരുന്നുമായി ഹോങ്കോങിലേക്കും ഷാങ്ഹായിലേക്കും എയർ ഇന്ത്യ സർവീസ് നടത്തിയിരുന്നു. ഡ്യൂട്ടി തുടങ്ങുന്നിതിന് 72 മണിക്കൂർ മുമ്പ് പൈലറ്റും സംഘവും കൊവിഡ് പരിശോധന നടത്തണമെന്ന് സർക്കാർ നിർദ്ദേശം നൽകിയിട്ടുണ്ട്. ഇത് പ്രകാരം ടെസ്റ്റ് ചെയ്തപ്പോഴാണ് 5 പൈലറ്റുമാർക്ക് കൊവിഡ് ഉണ്ടെന്ന് വ്യക്തമായത്.

Also Read: വ്യവസായശാലകൾ തുറക്കുമ്പോൾ ആദ്യ ആഴ്ച ട്രയൽ; മാർഗ നിർദ്ദേശങ്ങളുമായി കേന്ദ്രം

ആരോഗ്യവകുപ്പ് നൽകിയിരിക്കുന്ന മാർഗനിർദ്ദേശങ്ങൾ അനുസരിച്ച് എല്ലാ മുൻകരുതലുകളും എടുത്താണ് പൈലറ്റുമാരും സംഘവും വിമാനം കൊണ്ടുപോവുന്നത്. കൊവിഡ് നെഗറ്റീവ് ആണെന്ന് ഉറപ്പായാൽ മാത്രമേ ഇവരെ ഡ്യൂട്ടിക്ക് നിയോഗിക്കുകയുള്ളൂ. ന്യൂയോർക്ക്, സാൻ ഫ്രാൻസിസ്കോ, ഷിക്കാഗോ, ലണ്ടൻ, സിംഗപ്പൂർ എന്നീ സിറ്റികളിലായാണ് രാത്രിയിൽ വിമാനം നിർത്തിയിടാറുള്ളത്.

Also Read: റോഡരികിൽ കുഞ്ഞിനെ പ്രസവിച്ച് യുവതി, ഒരു മണിക്കൂർ വിശ്രമിച്ചു; പിന്നെ നടന്നത് 160 കിലോമീറ്റർ!