ആശങ്ക കേരളത്തിൽ; തമിഴ്‌നാട്ടിൽ 2708 പുതിയ രോഗികള്‍, മഹാരാഷ്‌ട്രയിൽ കൊവിഡ് കേസുകൾ കുറയുന്നു

രാജ്യത്ത് ഏറ്റവുമധികം കൊവിഡ് കേസുകളുള്ള മഹാരാഷ്‌ട്രയിൽ കഴിഞ്ഞ 24 മണിക്കൂറിനുള്ളിൽ 3,645 പുതിയ കൊവിഡ് കേസുകളും 84 മരണങ്ങളും റിപ്പോർട്ട് ചെയ്‌തു. ഈ മണിക്കൂറുകളിൽ 9,905 പേർക്ക് രോഗമുക്തിയുണ്ടായി. ഇതോടെ സംസ്ഥാനത്ത് സ്ഥിരീകരിച്ച ആകെ കൊവിഡ് കേസുകളുടെ എണ്ണം 16,48,665 ആയി ഉയർന്നു. ഇതുവരെ 14,70,660 പേർ രോഗമുക്തി നേടി. 1,34,137 സജീവ കേസുകളാണ് നിലവിലുള്ളത്. 43,348 പേർക്കാണ് ഇതുവരെ ജീവൻ നഷ്‌ടമായത്.

കൊവിഡ് കേസുകളിൽ വർധന രേഖപ്പെടുത്തിയിരുന്ന തമിഴ്‌നാട്ടിലും പുതിയ കേസുകളുടെ എണ്ണത്തിൽ കുറവുണ്ടായി. കഴിഞ്ഞ 24 മണിക്കൂറിനിടെ പുതിയതായി 2,708 പേർക്ക് കൊവിഡ് സ്ഥിരീകരിച്ചു. ഈ മണിക്കൂറിൽ 32 പേർക്ക് ജീവൻ നഷ്‌ടമാകുകയും ചെയ്‌തു. 29,268 സജീവ കേസുകളാണ് സംസ്ഥാനത്തുള്ളത്. സംസ്ഥാനത്താകെ 7,11,713 പേർക്ക് കൊവിഡ് സ്ഥിരീകരിച്ചപ്പോൾ 10,956 പേർക്ക് ജീവൻ നഷ്‌ടമാകുകയും ചെയ്‌തു. 6,71,489 പേർക്ക് ഇതുവരെ രോഗമുക്തിയുണ്ടായെന്നും ആരോഗ്യവകുപ്പ് വ്യക്തമാക്കി.

കഴിഞ്ഞ ദിവസങ്ങളിൽ കൊവിഡ് കേസുകൾ ഉയർന്ന തോതിൽ റിപ്പോർട്ട് ചെയ്‌തിരുന്ന കർണാടകയിൽ കഴിഞ്ഞ 24 മണിക്കൂറിനിടെ 3,130 പുതിയ കേസുകളും 42 മരണങ്ങളും റിപ്പോർട്ട് ചെയ്‌തു. 8,715 പേർക്കാണ് ഈ മണിക്കൂറിൽ രോഗമുക്തിയുണ്ടായത്. 75,423 സജീവ കേസുകളാണ് സംസ്ഥാനത്തുള്ളത്. ഇതോടെ കർണാടകയിലെ ആകെ കൊവിഡ് കേസുകളുടെ എണ്ണം 8,05,947 ആയി ഉയർന്നു. 7,19,558 പേർക്ക് രോഗമുക്തിയുണ്ടായപ്പോൾ 10,947 പേർക്ക് ജീവൻ നഷ്‌ടമായി.

കഴിഞ്ഞ 24 മണിക്കൂറിനിടെ ആന്ധ്രയിൽ 1,901 പുതിയ കേസുകളും 19 മരണങ്ങളും റിപ്പോർട്ട് ചെയ്‌തതായി ആരോഗ്യവകുപ്പ് വ്യക്തമാക്കി. 28,770 സജീവ കേസുകളാണ് സംസ്ഥാനത്തുള്ളത്. സംസ്ഥാനത്ത് ഇതുവരെ 8,08,924 പേർക്ക് കൊവിഡ് കേസുകൾ സ്ഥിരീകരിച്ചപ്പോൾ 6,606 പേർക്ക് ജീവൻ നഷ്‌ടമാകുകയും ചെയ്‌തുവെന്ന് ആരോഗ്യവകുപ്പ് വ്യക്തമാക്കി.

കേരളത്തില്‍ ഇന്ന് 4287 പേര്‍ക്ക് കൊവിഡ് സ്ഥിരീകരിച്ചപ്പോൾ 7107 പേർക്ക് രോഗമുക്തിയുണ്ടായി. ഇന്ന് 20 മരണങ്ങൾ കൂടി സ്ഥിരീകരിച്ചതോടെ സംസ്ഥാനത്തെ കൊവിഡ് മരണസംഖ്യ 1352 ആയി. 93,744 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 3,02,017 പേര്‍ ഇതുവരെ കൊവിഡില്‍ നിന്നും മുക്തി നേടി. വിവിധ ജില്ലകളിലായി 2,83,473 പേരാണ് ഇപ്പോള്‍ നിരീക്ഷണത്തിലുള്ളത്. 2974 പേരെയാണ് ഇന്ന് ആശുപത്രിയില്‍ പ്രവേശിപ്പിച്ചതെന്നും ആരോഗ്യവകുപ്പ് വ്യക്തമാക്കി.