കർണാടകയിൽ 1,870 പുതിയ കേസുകൾ
ദിനം പ്രതിയുള്ള കൊവിഡ് കേസുകൾ കർണാടകയിൽ കുറഞ്ഞ തോതിൽ തുടരുകയാണ്. സംസ്ഥാന ആരോഗ്യവകുപ്പിൻ്റെ കണക്കുകൾ പ്രകാരം കഴിഞ്ഞ 24 മണിക്കൂറിനിടെ 1,870 പുതിയ കൊവിഡ് കേസുകളും 17 മരണങ്ങളും റിപ്പോർട്ട് ചെയ്തു. 1,949 പേർ ഈ മണിക്കൂറിൽ രോഗമുക്തി നേടുകയും ചെയ്തു. 24,612 സജീവ കേസുകളാണ് നിലവിലുള്ളത്. ഇതോടെ ആകെ കൊവിഡ് കേസുകളുടെ എണ്ണം 8,76,425 ആയി ഉയർന്നു. 8,40,099 പേർ രോഗമുക്തി നേടിയപ്പോൾ 11,695 പേർക്ക് ജീവൻ നഷ്ടമാകുകയും ചെയ്തു.
പശ്ചിമ ബംഗാളിൽ 3,545 പുതിയ കേസുകൾ
ദിനം പ്രതിയുള്ള കൊവിഡ് കേസുകളിൽ ആശങ്ക ശക്തമാക്കുന്ന പശ്ചിമ ബംഗാളിൽ കഴിഞ്ഞ 24 മണിക്കൂറിനിടെ 3,545 പുതിയ കൊവിഡ് കേസുകളും 49 മരണങ്ങളും റിപ്പോർട്ട് ചെയ്തു. ഈ മണിക്കൂറിൽ 3,646 പേർക്ക് രോഗമുക്തിയുണ്ടായി. 24,880 സജീവ കേസുകളാണ് നിലവിലുള്ളത്. ഇതോടെ സംസ്ഥാനത്ത് സ്ഥിരീകരിച്ച ആകെ കേസുകളുടെ എണ്ണം 4,63,463 ആയി ഉയർന്നു. 4,30,462 പേർ രോഗമുക്തി നേടിയപ്പോൾ 8,121 പേർക്ക് ജീവൻ നഷ്ടമായി.
കേരളത്തിലെ കൊവിഡ് കേസുകൾ
സംസ്ഥാനത്ത് ഇന്ന് 5420 പേർക്ക് കൊവിഡ് സ്ഥിരീകരിച്ചപ്പോൾ 4693 പേർക്ക് സമ്പർക്കത്തിലൂടെയാണ് രോഗബാധ. 5149 പേരുടെ പരിശോധനാഫലം നെഗറ്റീവ് ആയി. 592 പേരുടെ ഉറവിടം വ്യക്തമല്ല. 52 ആരോഗ്യ പ്രവർത്തകർക്ക് കൂടി രോഗം. 24 പേർ മരണത്തിന് കീഴടങ്ങി. ടെസ്റ്റ് പോസിറ്റിവിറ്റി 9.03% ആണെന്നും സർക്കാർ വ്യക്തമാക്കി. കൊവിഡ് സ്ഥിരീകരിച്ച് 64412 പേർ ചികിത്സയിൽ കഴിയുന്നത്. വിവിധ ജില്ലകളിലായി 3,14,752 പേരാണ് ഇപ്പോള് നിരീക്ഷണത്തിലുള്ളത്.