മഹാരാഷ്ട്രയിൽ 10,792 പേർക്കുകൂടി കൊവിഡ് ബാധ; കർണ്ണാടകയിൽ 9,523 പേർക്ക് രോഗം

ബെംഗളുരു: മഹാരാഷ്ട്രയിൽ ഇന്ന് 10,792 പേർക്ക് കൊവിഡ്-19 സ്ഥിരീകരിച്ചു. ഇതോടെ സംസ്ഥാനത്ത് കൊവിഡ് ബാധിച്ചവരുടെ എണ്ണം 15,28,226 ആയി. 309 മരണങ്ങളാണ് സംസ്ഥാനത്ത് റിപ്പോർട്ട് ചെയ്തിരിക്കുന്നത്. ആകെ മരണം 40,349 ആയി. 10,461 പേർ രോഗമുക്തി നേടി. ആകെ രോഗമുക്തിരുടെ എണ്ണം 12,66,240 ആണ്. 2,21,174 പേരാണ് നിലവിൽ ചികിത്സയിലുള്ളത്.

മുംബൈയിൽ 2,199 രോഗികൾ

മുംബൈയിൽ ഇന്ന് 2,199 പേർക്ക് കൊവിഡ്-19 സ്ഥിരീകരിച്ചു. 1709 പേർ രോഗമുക്തി നേടി. 42 പേർക്കാണ് രോഗമുക്തി ലഭിച്ചത്. ഇതോടെ മുംബൈയിൽ മാത്രം കൊവിഡ് സ്ഥിരീകരിച്ചവരുടെ എണ്ണം 2,29,450 ആയി. 1,93,805 പേർ രോഗമുക്തി നേടി. 9430 മരണങ്ങളാണ് മുംബൈയിൽ റിപ്പോർട്ട് ചെയ്തിരിക്കുന്നത്. നിലവിൽ 22,919 ആക്ടീവ് കേസുകളാണ് മുംബൈയിലുള്ളത്.


കർണ്ണാടക

കർണ്ണാടകയിൽ ഇന്ന് 9,523 പേർക്ക് കൊവിഡ്-19 സ്ഥിരീകരിച്ചു. 75 മരണങ്ങളാണ് ഇന്ന് റിപ്പോർട്ട് ചെയ്തിരിക്കുന്നത്. ഇതോടെ കർണ്ണാടകയിൽ ഇതുവരെ 7,00,786 പേർക്കാണ് കൊവിഡ് ബാധിച്ചിരിക്കുന്നത്. 9,966 പേർക്ക് ജീവൻ നഷ്ടമായി. 5,80,054 പേർക്കാണ് രോഗമുക്തി ലഭിച്ചത്. നിലവിൽ സംസ്ഥാനത്ത് 1,20,270 ആക്ടീവ് കേസുകളാണ് ഉള്ളത്. ബെംഗളുരുവിൽ ഇന്ന് 4,623 പേർക്കാണ് രോഗം ബാധിച്ചിരിക്കുന്നത്.



ഡൽഹി

ഡൽഹിയിൽ 24 മണിക്കൂറിനിടെ 2,780 പേർക്ക് കൊവിഡ് സ്ഥിരീകരിച്ചു. 29 പേർക്ക് ജീവൻ നഷ്ടമായി. ഇതുവരെ 3,09,339 പേർക്കാണ് സംസ്ഥാനത്ത് കൊവിഡ് സ്ഥിരീകരിച്ചിരിക്കുന്നത്. ഇതിൽ 21,701 ആക്ടീവ് കേസുകളാണ് ഉള്ളത്. 5,769 പേർക്കാണ് ഇതുവരെ ജീവൻ നഷ്ടമായത്. 2,81,869 പേർക്ക് ഇതുവരെ ജീവൻ നഷ്ടമായി.