ഇന്ത്യയില്‍ അഴിമതി കുറഞ്ഞു: അഴിമതിയില്‍ മുന്നില്‍ ദക്ഷിണേന്ത്യ

ന്യൂഡല്‍ഹി: രാജ്യത്ത് അഴിമതിയും കൈക്കൂലിയും കുറഞ്ഞുവരുന്നതായി പഠനം. 2013 മുതല്‍ 2017 വരെ രാജ്യത്തെ അഴിമതിയില്‍ കൃത്യമായ കുറവ് ഉണ്ടായതായി സെന്‍റര്‍ ഫോര്‍ മീഡിയ സ്റ്റഡീസ് (സിഎംഎസ്) എന്ന സ്ഥാപനം നടത്തിയ പഠനം വ്യക്തമാക്കുന്നു.

2005 നും 2017 നും ഇടയില്‍ അഴിമതിയും അഴിമതി ഉണ്ടെന്നുള്ള ധാരണയും കുറഞ്ഞതായി സിഎംഎസിന്‍റെ ഇന്ത്യ കറപ്‍ഷന്‍ സ്റ്റഡി 2017 വ്യക്തമാക്കുന്നു. എന്നാല്‍ 2005നെ അപേക്ഷിച്ച് 2017ല്‍ അഴിമതി കൂടിയതായി സര്‍വേയില്‍ പങ്കെടുത്ത 43 ശതമാനം പേര്‍ അഭിപ്രായപ്പെടുകയും ചെയ്‍തു.

20 സംസ്ഥാനങ്ങളില്‍നിന്നുള്ള 3000 പേരുടെ ഇടയില്‍ സര്‍വേ നടത്തിയാണ് റിപ്പോര്‍ട്ട് തയ്യാറാക്കിയത്. 20 സംസ്ഥാനങ്ങളില്‍ ഏറ്റവും കൂടുതല്‍ അഴിമതിയുള്ളത് കര്‍ണാടകത്തിലാണ്. പൊതു സേവനം ലഭിക്കുന്നതില്‍ അഴിമതി നേരിട്ടതായി കര്‍ണാടകത്തിലെ 77 ശതമാനം പേരും അഭിപ്രായപ്പെട്ടു. ആന്ധ്രാ പ്രദേശ് (74%), തമിഴ്‍നാട് (68%), മഹാരാഷ്ട്ര (57%), കശ്‍മീര്‍ (44%), പഞ്ചാബ് (42%) എന്നീ സംസ്ഥാനങ്ങളാണ് തുടര്‍ന്നുള്ള സ്ഥാനങ്ങളില്‍.

20 സംസ്ഥാനങ്ങളിലെ ജനങ്ങള്‍ 10 സര്‍ക്കാര്‍ സേവനങ്ങള്‍ക്കായി 2017ല്‍ നല്‍കിയ കൈക്കൂലി ഏതാണ്ട് 6,350 കോടി വരുമെന്നാണ് പഠനം പറയുന്നത്. ഇത് 2005ല്‍ 20,500 കോടിയോളമായിരുന്നു.

Corruption declining in India

A survey conducted by Centre for Media Studies (CMS) found that corruption in India has declined over a period from 2005 to 2017.