വിവാഹച്ചടങ്ങുകൾ വീഡിയോ കോളിലൂടെ; ഇത് ലോക്ക് ഡൗൺ കാലത്തെ നിക്കാഹ്

മുംബൈ: സമ്പൂർണ്ണ അടച്ചുപൂട്ടൽ പ്രഖ്യാപിച്ചതിനു പിന്നാലെ രാജ്യം കടുത്ത നിയന്ത്രണങ്ങളിലൂടെയാണ് കടന്ന് പോകുന്നത്. കൂട്ടം കൂടുന്നത് ഒഴിവാക്കാൻ പോലീസ് കർശന നിലപാട് സ്വീകരിച്ചതോടെ പലയിടത്തും ലോക്ക് ഡൗൺ ഫലം കണ്ടെന്ന് വേണം പറയാൻ. ഇപ്പോഴിതാ മഹാരാഷ്ട്രയിൽ ലോക്ക് ഡൗൺ കാലത്ത് വീഡിയോ കോളിലൂടെ ഒരു നിക്കാഹ് നടന്നെന്ന വാർത്തയാണ് പുറത്തുവരുന്നത്.

ഔറംഗാബാദിലെ മുസ്ലീം യുവാവിന്‍റെ വിവാഹച്ചടങ്ങുകളാണ് വീഡിയോ കോളിലൂടെ നടത്തിയത്. മുഹമ്മദ് മിൻഹാജുദ് എന്ന യുവാവിന്‍റെ വിവാഹമാണ് ലോക്ക് ഡൗൺ കാലത്ത് വാർത്തകളിൽ ഇടംപിടിക്കുന്നത്. പ്രധാനമന്ത്രി ലോക്ക് ഡൗൺ പ്രഖ്യാപിച്ചതുകൊണ്ട് ആളുകൾക്ക് കൂട്ടം കൂടുന്നതിനും ഒരിടത്ത് നിന്ന് മറ്റൊരിടത്തേക്ക് പോകുന്നതിനും വിലക്കുണ്ട്. ഈ സാഹചര്യത്തിലാണ് വേറിട്ട രീതിയിൽ വിവാഹം നടന്നത്.

Also Read: ജമ്മു കശ്‍മീരിലെ വിവാദ തൊഴില്‍ നിയമം കേന്ദ്രം തിരുത്തി; സര്‍ക്കാര്‍ ജോലി ഇനി താമസക്കാര്‍ക്ക്

ആറ് മാസം മുമ്പേ നിശ്ചയിച്ചിരുന്ന വിവാഹമായതിനാൽ കുടുംബച്ചിലെ മുതിർന്നവരെയെല്ലാം വീട്ടിലേക്ക് വിളിക്കുകയും ഫോണിലൂടെ വിവാഹചടങ്ങ് നടത്തുകയുമായിരുന്നെന്ന് വരന്‍റെ പിതാവ് മുഹമ്മദ് ഗയാസ് പറഞ്ഞു. കുറഞ്ഞ ചെലവിൽ വിവാഹം നടത്താൻ കഴിഞ്ഞതിൽ ഇരുവിഭാഗത്തിനും സന്തോഷം മാത്രമേ ഉള്ളൂവെന്നാണ് ചടങ്ങുകൾക്ക് നേതൃത്വം നൽകിയ ഖാസി മുഫ്തി അനീസ് ഉർ റഹ്മാൻ പറയുന്നത്.

വിവാഹത്തിന്‍റെ ദൃശ്യങ്ങൾ ഇതിനോടം തന്നെ സോഷ്യൽമീഡിയയിൽ വൈറലായിട്ടുണ്ട്. ഏറ്റവുമൊടുവിലത്തെ റിപ്പോർട്ടുകൾ പ്രകാരം 2902 പേർക്കാണ് രാജ്യത്ത് കൊവിഡ്-19 സ്ഥിരീകരിച്ചത്. മരണസംഖ്യ ഇതിനോടകം തന്നെ 68 കടക്കുകയും ചെയ്തിട്ടുണ്ട്.