മഹാരാഷ്‌ട്രയിൽ 6,406 പുതിയ കൊവിഡ് കേസുകൾ
രാജ്യത്ത് ഏറ്റവുമധികം കൊവിഡ് കേസുകൾ റിപ്പോർട്ട് ചെയ്‌ത മഹാരാഷ്‌ട്രയിൽ കഴിഞ്ഞ 24 മണിക്കൂറിനിടെ 6,406 പുതിയ കൊവിഡ് കേസുകളും 65 മരണങ്ങളും റിപ്പോർട്ട് ചെയ്‌തു. ഈ മണിക്കൂറിൽ 4,815 പേർക്ക് രോഗമുക്തിയുണ്ടാകുകയും ചെയ്‌തു. 85,963 സജീവ കേസുകളാണ് നിലവിലുള്ളത്. ഇതോടെ സംസ്ഥാനത്തെ ആകെ കൊവിഡ് കേസുകളുടെ എണ്ണം 18,02,365 ആയി. 16,68,538 പേർ രോഗമുക്തി നേടിയപ്പോൾ 46,813 പേർക്ക് ജീവൻ നഷ്‌ടമാകുകയും ചെയ്‌തു.
ആന്ധ്രയിൽ പുതിയ കേസുകളിൽ വർധന
ബുധനാഴ്‌ച ആയിരത്തിന് താഴെ മാത്രമാണ് ആന്ധ്രയിൽ കൊവിഡ് കേസുകൾ റിപ്പോർട്ട് ചെയ്‌തതെങ്കിൽ കഴിഞ്ഞ 24 മണിക്കൂറിനിടെ പുതിയ കേസുകളിൽ വർധനയുണ്ട്. 1031 പുതിയ കൊവിഡ് കേസുകളും 8 മരണങ്ങളും മരണങ്ങളും റിപ്പോർട്ട് ചെയ്‌തതായി ആരോഗ്യ വകുപ്പ് വ്യക്തമാക്കി. ഈ മണിക്കൂറുകളിൽ 1,081 പേർക്ക് രോഗമുക്തിയുണ്ടായി. 12,615 സജീവ കേസുകളാണ് നിലവിലുള്ളത്. ഇതോടെ സംസ്ഥാനത്തെ ആകെ കേസുകളുടെ എണ്ണം 8,65,705 ആയി ഉയർന്നു. 8,46,120 പേർ രോഗമുക്തി നേടിയപ്പോൾ 6,970 പേർക്ക് ജീവൻ നഷ്‌ടമാകുകയും ചെയ്‌തു.
ഡൽഹിയിൽ 5,475 പുതിയ കേസുകൾ
ഡൽഹിയിൽ കൊവിഡ് കേസുകളുടെ എണ്ണത്തിൽ വർധന തുടരുകയാണ്. കഴിഞ്ഞ 24 മണിക്കൂറിനുള്ളിൽ 5,475 പുതിയ കൊവിഡ് കേസുകളും 91 മരണങ്ങളും റിപ്പോർട്ട് ചെയ്‌തു. 4,937 പേർക് രോഗമുക്തിയുണ്ടാകുകയും ചെയ്‌തു. 38,734 സജീവ കേസുകളാണ് നിലവിലുള്ളത്. ഇതോടെ സംസ്ഥാനത്ത് സ്ഥിരീകരിച്ച ആകെ കൊവിഡ് കേസുകളുടെ എണ്ണം 5,51,262 ആയി ഉയർന്നു. 5,03,717 പേർ രോഗമുക്തി നേടിയപ്പോൾ 8,811 പേർക്ക് ജീവൻ നഷ്‌ടമാകുകയും ചെയ്‌തു.
കേരളത്തിലെ കൊവിഡ് കേസുകൾ
ഇന്ന് 5378 പേര്‍ക്ക് കൊവിഡ് സ്ഥിരീകരിച്ചപ്പോൾ 5970 പേർക്ക് രോഗമുക്തിയുണ്ടായി. 27 മരണങ്ങൾ കൂടി സംഭവിച്ചതോടെ ആകെ മരണം 2148 ആയി. 4670 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. വിവിധ ജില്ലകളിലായി 3,17,195 പേരാണ് ഇപ്പോള്‍ നിരീക്ഷണത്തിലുള്ളത്. 64,486 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 5,16,978 പേര്‍ ഇതുവരെ കോവിഡില്‍ നിന്നും മുക്തി നേടി.