കർണാടകയിൽ 1,781 പേക്ക് കൂടി രോഗബാധ
കർണാടകയിൽ കഴിഞ്ഞ കഴിഞ്ഞ 24 മണിക്കൂറിൽ 1,781 പേർക്ക് കൊവിഡ് സ്ഥിരീകരിച്ചു. ഈ മണിക്കൂറിൽ 20 മരണങ്ങളും 1,799 പേർക്ക് രോഗമുക്തിയുണ്ടാകുകയും ചെയ്‌തു. 24,714 സജീവ കേസുകളാണ് നിലവിലുള്ളത്. ഇതോടെ കർണാടകയിലെ ആകെ കൊവിഡ് കേസുകളുടെ എണ്ണം 8,71,342 ആയി ഉയർന്നു. രോഗമുക്തി നേടി 8,34,968 പേർ ഇതുവരെ ആശുപത്രി വിട്ടപ്പോൾ ആകെ മരണം 11,641 ആയി ഉയർന്നു.
മഹാരാഷ്‌ട്രയിൽ 5,760 പേർക്ക് കൂടി കൊവിഡ്
രാജ്യത്ത് ഏറ്റവുമധികം കൊവിഡ് കേസുകൾ റിപ്പോർട്ട് മഹാരാഷ്‌ട്രയിൽ കഴിഞ്ഞ 24 മണിക്കൂറിനിടെ 5,760 പുതിയ കൊവിഡ് കേസുകളും 62 മരണങ്ങളും റിപ്പോർട്ട് ചെയ്‌തു. ഈ മണിക്കൂറിൽ 4,088 പേർക്ക് രോഗമുക്തിയുണ്ടായി. 79,873 സജീവ കേസുകളാണ് നിലവിലുള്ളത്. സംസ്ഥാനത്ത് ഇതുവരെ 17,74,455 പേർക്ക് കൊവിഡ് സ്ഥിരീകരിച്ചപ്പോൾ 16,47,004 പേർക്ക് രോഗമുക്തിയുണ്ടായി.
ആന്ധ്രയിൽ 1,160 പേർക്ക് കൂടി കൊവിഡ്
ആന്ധ്രയിൽ കഴിഞ്ഞ കഴിഞ്ഞ 24 മണിക്കൂറിനിടെ 1,160 പുതിയ കൊവിഡ് കേസുകൾ റിപ്പോർട്ട് ചെയ്‌തു. 14,770 സജീവ കേസുകളാണ് നിലവിലുള്ളത്. ഇതോടെ സംസ്ഥാനത്തെ ആകെ കേസുകളുടെ എണ്ണം 8,61,092 ആയി ഉയർന്നു. 8,39,395 പേർ രോഗമുക്തി നേടിയപ്പോൾ 6,927 പേർക്ക് ജീവൻ നഷ്‌ടമായി.
കേരളത്തിലെ കൊവിഡ് കേസുകൾ
കേരളത്തിൽ ഇന്ന് 5772 പേര്‍ക്ക് കൊവിഡ് സ്ഥിരീകരിച്ചപ്പോൾ 6719 പേർക്ക് രോഗമുക്തിയുണ്ടായി. ഇതോടെ 66,856 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 4,88,437 പേര്‍ ഇതുവരെ കൊവിഡില്‍ നിന്നും മുക്തി നേടി. 25 മരണങ്ങങ്ങൾ കൂടി സ്ഥിരീകരിച്ചതോടെ ആകെ മരണം 2022 ആയി. 4989 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 639 പേരുടെ സമ്പര്‍ക്ക ഉറവിടം വ്യക്തമല്ല. വിവിധ ജില്ലകളിലായി 3,18,079 പേരാണ് ഇപ്പോള്‍ നിരീക്ഷണത്തിലുള്ളത്.