മഹാരാഷ്‌ട്രയിൽ ഇന്ന് 11,015 പുതിയ കേസുകൾ
മഹാരാഷ്‌ട്രയിൽ ഇന്ന് പുതിയതായി 11,015 കൊവിഡ് കേസുകളും 212 മരണങ്ങളുമാണ് റിപ്പോർട്ട് ചെയ്‌തത്. ഇതോടെ സംസ്ഥാനത്തെ കൊവിഡ് ബാധിതരുടെ എണ്ണം 6,93,398 ആയി ഉയർന്നു. ഇതുവരെ 5,02,490 പേർക്ക് രോഗമുക്തിയുണ്ടായി. 1,68,126 സജീവ കേസുകളാണ് സംസ്ഥാനത്ത് നിലവിലുള്ളത്. കൊവിഡ് കേസുകൾ ഉയർന്ന നിലയിലുള്ള മുംബൈയിൽ ഇന്ന് 743 പുതിയ കേസുകളും 20 മരണങ്ങളും റിപ്പോർട്ട് ചെയ്‌തു. 1,025 പേർ ഇന്ന് രോഗമുക്തി നേടി. ഇതോടെ നഗരത്തിലെ ആകെ രോഗബാധിതരുടെ എണ്ണം 1,37,091 ആയി ഉയർന്നു. 7,439 പേർക്കാണ് ജീവൻ നഷ്‌ടമായത്.
തമിഴ്‌നാട്ടിൽ ഇതുവരെ 3,85,352 കേസുകൾ
കൊവിഡ് കേസുകൾ വർധിക്കുന്ന തമിഴ്‌നാട്ടിൽ ഇന്ന് 3,85,352 പുതിയ കൊവിഡ് കേസുകളും 97 മരണങ്ങളും റിപ്പോർട്ട് ചെയ്‌തു. ഇതോടെ സംസ്ഥാനത്തെ ആകെ കൊവിഡ് ബാധിതരുടെ എണ്ണം 3,85,352 ആയി. 6,614 മരണങ്ങളാണ് ഇതുവരെ സംഭവിച്ചത്. 53,282 സജീവ കേസുകൾ നിലവിലുണ്ട്. 3,25,456 പേർക്ക് ഇതുവരെ രോഗമുക്തിയുണ്ടായി. സംസ്ഥാനത്തെ കൊവിഡ് കേസുകളിൽ ഭൂരിഭാഗവും ചെന്നൈ നഗരത്തിൽ നിന്നുള്ളതാണ്.
കർണാടകയിൽ കൊവിഡ് കേസുകൾ കുതിക്കുന്നു
ആശങ്ക ശക്തമാക്കുന്ന തരത്തിലാണ് ആന്ധ്രപ്രദേശിൽ കൊവിഡ് ബാധ വർധിക്കുന്നത്. സംസ്ഥാനത്ത് ഇന്ന് പുതിയതായി 8601 പുതിയ കൊവിഡ് കേസുകളും 86 മരണങ്ങളും റിപ്പോർട്ട് ചെയ്‌തു. ഇതോടെ സംസ്ഥാനത്തെ ആകെ കൊവിഡ് കേസുകളുടെ എണ്ണം 361712 ആയി. ഇതുവരെ 3368 പേർക്ക് ജീവൻ നഷ്‌ടമായി. കർണാടകയിലും കൊവിഡ് കേസുകൾ ഉയർന്ന നിലയിലാണ്. ഇന്ന് മാത്രം 5851 പുതിയ കേസുകളും 130 മരണങ്ങളും സംഭവിച്ചതായി ആരോഗ്യ വകുപ്പറിയിച്ചു. കഴിഞ്ഞ 24 മണിക്കൂറിനിടെ 8061 പേർക്ക് രോഗമുക്തിയുണ്ടായി. ഇതോടെ സംസ്ഥാനത്തെ ആകെ രോഗികളുടെ എണ്ണം 283665 ആയി. 4810 പേർക്ക് ജീവൻ നഷ്‌ടമായി. 197625 പേർ രോഗമുക്തി നേടി.
കേരളത്തിലെ കൊവിഡ് കേസുകൾ
കേരളത്തിൽ കൊവിഡ് ബാധിതരുടെ എണ്ണം വർധിക്കുകയാണ്. ഇന്ന് 1242 പേര്‍ക്ക് രോഗബാധ സ്ഥിരീകരിച്ചപ്പോൾ 1238 പേർക്ക് രോഗമുക്തിയുണ്ടായി. 11 കൊവിഡ് മരണങ്ങളും സർക്കാർ സ്ഥിരീകരിച്ചു. ഇതോടെ ആകെ മരണം 234 ആയി. സമ്പർക്ക രോഗികളുടെ എണ്ണം ഇന്നും ഉയർന്ന നിലയിലാണ്. 1081 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. അതില്‍ 95 പേരുടെ സമ്പര്‍ക്ക ഉറവിടം വ്യക്തമല്ല. 20,323 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 38,887 പേര്‍ ഇതുവരെ കൊവിഡില്‍ നിന്നും മുക്തി നേടി.