കൊവിഡ് വാക്‌സിൻ: 18 കഴിഞ്ഞവർക്കുള്ള രജിസ്‌ട്രേഷന്‍ 28 മുതൽ, ചെയ്യേണ്ടതെന്ത്?

ന്യൂഡൽഹി: കൊവിഡ്-19 വാക്‌സിൻ എടുക്കാൻ താൽപ്പര്യപ്പെടുന്ന 18 വയസ് പൂർത്തിയായവർക്കുള്ള രജിസ്‌ട്രേഷൻ ഏപ്രിൽ 28 ബുധനാഴ്‌ച മുതൽ ആരംഭിക്കും. കോവിൻ ആപ്പ് മുഖേനെയാകും രജിസ്‌ട്രേഷൻ നടപടികൾ നടപ്പാക്കുകയെന്ന് കേന്ദ്ര ആരോഗ്യ മന്ത്രാലയം വ്യക്തമാക്കി. എല്ലാവർക്കും വാക്സിൻ സൗജന്യമായി കൊടുക്കേണ്ട; രാഷ്ട്രീയ ബഡായി നിർത്തി പോകൂ സാർ; മുഖ്യമന്ത്രിയോട് അബ്ദുള്ളക്കുട്ടി
18 വയസിനു മുകളിലുള്ള എല്ലാവർക്കും മേയ് ഒന്ന് മുതലാണ് വാക്‌സിൻ നൽകുക. കൊവീഷീൽഡ് വാക്‌സിൻ സംസ്ഥാന സർക്കാരുകൾക്ക് ഡോസിന് 400 രൂപ നിരക്കിലും സ്വകാര്യ ആശുപത്രികൾക്ക് 600 രൂപയ്ക്കുമാണ് ലഭിക്കുക.

മുന്‍ഗണന വിഭാഗങ്ങള്‍ രജിസ്‌റ്റർ ചെയ്‌ത അതേ പ്രക്രിയ ആണ് 18 വയസിന് മുകളിലുള്ളവര്‍ക്കും രജിസ്‌ട്രേഷനായി പിന്തുടരേണ്ടത്. രാജ്യത്ത് വാക്‌സിൻ ക്ഷാമം രൂക്ഷമായ സാഹചര്യത്തിൽ റഷ്യൻ വാക്‌സിനായ സ്‌പുട്‌നിക് വിയും ലഭ്യമായേക്കുമെന്ന റിപ്പോർട്ടുകളുണ്ട്. എന്നാൽ, എല്ലാ വാക്‌സിൻ വിതരണ കേന്ദ്രങ്ങളിലും സ്‌പുട്‌നിക് കുത്തിവെപ്പ് ഉണ്ടാകില്ല.

കൊവാക്‌സിൻ, കൊവിഷീൽഡ് എന്നീ പ്രതിരോധ വാക്‌സിനുകളാണ് നിലവിൽ രാജ്യത്ത് വിതരണം ചെയ്യുന്നത്. വാക്‌സിൻ സ്വീകരിക്കാൻ ആളുകൾ കൂടുതലായി എത്തുന്ന സാഹചര്യത്തിൽ കൂടുതൽ സ്വകാര്യ കേന്ദ്രങ്ങൾ തുറക്കും.

ചെറിയാൻ ഫിലിപ്പിന് ബിജെപിയിലേക്ക് സ്വാഗതമെന്ന് വി മുരളീധരൻ
വാക്‌സിൻ സ്വീകരിക്കാനുള്ള സമയവും തീയതിയും ബുക്ക് ചെയ്യാൻ സഹായകമാകുന്ന രീതിയിൽ പ്രവർത്തിക്കാൻ കോവിൻ പ്ലാറ്റ്‌ഫോമിൽ വാക്‌സിൻ ടൈം ടേബിൾ പ്രസദ്ധീകരിച്ചേക്കും. ഇതിനായി സ്വകാര്യ സ്ഥാപനങ്ങളോട് ആവശ്യപ്പെട്ടിട്ടുണ്ട്. ജനുവരി 16നാണ് രാജ്യത്ത് കൊവിഡ് പ്രതിരോധ കുത്തിവെപ്പ് ആരംഭിച്ചത്.