'ജനറൽ സെക്രട്ടറിയെ പരസ്യമായി വിമര്‍ശിക്കുന്നത് സ്വീകാര്യമല്ല'; കാനത്തെ തള്ളി ഡി രാജ രംഗത്ത്

ന്യൂഡൽഹി: തനിക്കെതിരെ സിപിഐ സംസ്ഥാന സെക്രട്ടറി കാനം രാജേന്ദ്രന്‍ നടത്തിയ പരസ്യവിമര്‍ശനത്തെ തള്ളി പാര്‍ട്ടി ജനറൽ സെക്രട്ടറി ഡി രാജ. ജനറൽ സെക്രട്ടറിയെ പരസ്യമായി വിമര്‍ശിക്കുന്നത് സ്വീകാര്യമല്ല.

പാർട്ടിയിൽ ആഭ്യന്തര ജനാധിപത്യമുണ്ട്. എന്നാൽ അച്ചടക്കം പാലിക്കാൻ എല്ലാവര്‍ക്കും ബാധ്യതയുണ്ടെന്നും ഡി രാജ പറഞ്ഞു. ഡൽഹിയിൽ മാധ്യമങ്ങളോട് സംസാരിക്കുകയായിരുന്നു.

Also Read : കേരളത്തിൽ ഒന്നാം ഡോസ് വാക്സിനേഷൻ ഈ മാസം പൂര്‍ത്തിയാകും ജനുവരിയിൽ രണ്ടാം ഡോസും പൂര്‍ത്തിയാകും; ആരോഗ്യമന്ത്രി നിയമസഭയിൽ

ആനി രാജക്ക് വീണ്ടും പരസ്യപിന്തുണ നൽകി ഡി രാജ. സ്ത്രീസുരക്ഷയടക്കം പൊതുവിഷയങ്ങളില്‍ ദേശീയ നേതാക്കള്‍ക്ക് അഭിപ്രായം പറയാം.

അതേസമയം, കനയ്യ കുമാറിനെതിരെയുള്ള നിലപാടിനെക്കുറിച്ചും അദ്ദേഹം മാധ്യമങ്ങളോട് പറഞ്ഞു. കനയ്യ പാര്‍ട്ടിയെ വഞ്ചിച്ചുവെന്നതിൽ ഉറച്ചു നിൽക്കുന്നുവെന്നും അദ്ദേഹം പറഞ്ഞു.

പാര്‍ട്ടിയെ കനയ്യ വഞ്ചിച്ചുവെന്ന ഡി രാജയുടെ നിലപാടിനോട് കേരള ഘടകത്തിന് വിയോജിപ്പ് ഉണ്ടെന്ന് കാനം പറഞ്ഞത്. സംസ്ഥാന വിഷയങ്ങളില്‍ ദേശീയ നേതാക്കള്‍ അഭിപ്രായം പറയുമ്പോള്‍, സംസ്ഥാന നേതാക്കളുമായി ആശയവിനിമയം നടത്തണമെന്ന തീരുമാനത്തിൽ വിട്ടുവീഴ്ച പാടില്ലെന്നും അദ്ദേഹം പറഞ്ഞിരുന്നു.

സ്ത്രീസുരക്ഷ അടക്കം പൊതുവിഷയങ്ങളില്‍ ദേശീയ നേതാക്കള്‍ക്ക് അഭിപ്രായം പറയാം. ആനി രാജയുടെ പരാമര്‍ശത്തിൽ കേരള ഘടകം എതിര്‍പ്പ് അറിയിച്ചിട്ടില്ല. വാര്‍ത്തകള്‍ മാത്രമേയുള്ളുവെന്നും ഡി രാജ പറഞ്ഞു.

അതേസമയം, 24ാമത് സിപിഐ പാര്‍ട്ടി കോൺഗ്രസ് അടുത്ത വര്‍ഷം ഒക്ടോബര്‍ 14 മുതൽ18 വരെ വിജയവാഡയിൽ നടക്കുമെന്ന് സിപിഐ ജനറൽ സെക്രട്ടറി ഡി രാജ. വരാനിരിക്കുന്ന നിയമസഭാ തെരഞ്ഞെടുപ്പുകളില്‍ ബിജെപിയെ തോൽപ്പിക്കാൻ അടവുനയം സ്വീകരിക്കുമെന്ന് അദ്ദേഹം ഡൽഹിയിൽ പറഞ്ഞു.

Also Read : ആരോക്കെ എന്തിനൊക്കെ പോയി എന്നറിയാമെന്ന് മുഖ്യമന്ത്രി, കെ സുധാകരനെന്ന് വിളിച്ച് ഭരണപക്ഷം; അധിക്ഷേപിച്ചെന്ന് സതീശൻ

നേരത്തെ, കേരള പോലീസിനെതിരെ സിപിഐ ദേശീയ നേതാവ് ആനി രാജ ഉന്നയിച്ച വിമര്‍ശിച്ചിരുന്നു. സംഘപരിവാര്‍ സംഘം പ്രവര്‍ത്തിക്കുന്നുണ്ടെന്നായിരുന്നു വിമര്‍ശനം. അതോടെ, സംസ്ഥാന പോലീസിനെക്കുറിച്ച് സിപിഐയ്ക്ക് പരാതി ഇല്ലെന്ന മറുപടിയുമായി കാനം രംഗത്തുവന്നു.

ഇത് സംബന്ധിച്ച് പാര്‍ട്ടിക്ക് അയച്ച കത്തിൽ അദ്ദേഹം ആനി രാജ പാര്‍ട്ടി നയം ലംഘിച്ചുവെന്ന് വ്യക്തമാക്കിയിരുന്നു. എന്നാൽ, ഇപ്പോള്‍ ദേശീയ ജനറൽ സെക്രട്ടറി ഇതിൽ നിന്നും വ്യത്യസ്ഥമായ നിലപാട് ആണ് സ്വീകരിച്ചിരിക്കുന്നത്.