ബിജെപിയ്ക്കെതിരെ പോരാടാൻ കോൺഗ്രസ് ഒപ്പം വേണമെന്ന് ഡി രാജ

കൊല്ലം: ബിജെപിയ്ക്കെതരിെയുള്ള പോരാട്ടത്തൽ കോൺഗ്രസിനെ ഒഴിവാക്കാനാവില്ലെന്ന് സിപിഐ ദേശീയ സെക്രട്ടറി ഡി രാജ. കരട് രാഷ്ട്രീയപ്രമേയം ഇന്ന് അവതരിപ്പിച്ച് നാളെ ചര്‍ച്ച ചെയ്യാനിരിക്കേയാണ് ജനാധിപത്യ മതേതര ഇടതു സഖ്യത്തിൽ കോൺഗ്രസിനെ ഒഴിവാക്കാനാവില്ലെന്ന ഡി രാജയുടെ അഭിപ്രായപ്രകടനം. കോൺഗ്രസിനോടുള്ള സമീപനത്തിൽ പാര്‍ട്ടിയിൽ ഭിന്നതയില്ലെന്നും ഡി രാജ പറഞ്ഞതായി മനോരമ ന്യൂസ് റിപ്പോര്‍ട്ട് ചെയ്തു.

മതേതര ജനാധിപത്യസഖ്യത്തിൽ നിന്ന് കോൺഗ്രസിനെ ഒഴിവാക്കാനാവില്ല. കൂടുതൽ ജനാധിപത്യ പാ‍ര്‍ട്ടികളെ സഖ്യത്തിലേയ്ക്ക് കൊണ്ടുവരികയാണ് ലക്ഷ്യം. വര്‍ഗീയതയ്ക്കെതിരെ വിശാല മതേതര മുന്നണി എന്ന ആശയം സിപിഐയാണ് മുന്നോട്ടു വച്ചതെന്നും ഇതിനു സിപിഎം പാര്‍ട്ടി കോൺഗ്രസിലുള്‍പ്പെടെ സ്വീകാര്യത കിട്ടിയെന്നും രാജ പറഞ്ഞു. സിപിഐയുടെ രാഷ്ട്രീയനിലപാടിനെപ്പറ്റി സംശയിക്കേണ്ടെന്നും ഇതേപ്പറ്റി പാര്‍ട്ടിയിൽ ഐക്യമുണ്ടെന്നും ഡി രാജ കൂട്ടിച്ചേര്‍ത്തു.