ജിഗ്നേഷ് മേവാനിക്കു നേരെ അക്രമണം; ബിജെപിയെന്ന് ആരോപണം

അഹമ്മദാബാദ്: ദളിത് നേതാവ് ജിഗ്നേഷ് മേവാനിയ്ക്കു നേരെ ആക്രമണം. ചൊവ്വാഴ്ച ബാനസ്കാന്ത ജില്ലയിലെ പാലന്‍പുരിലാണ് ഒരു സംഘം ജിഗ്നേഷ് മേവാനിയുടെ കാറിനു നേരെ അക്രമം നടത്തിയത്. ഗുജറാത്ത് തിരഞ്ഞെടുപ്പുമായി ബന്ധപ്പെട്ട റോ‍ഡ്ഷോയ്ക്കിടയിലായിരുന്നു ആക്രമണം.

15 ഒാളം പേരാണ് ആക്രമണം നടത്തിയത്. ആക്രമണത്തില്‍ റാലിയില്‍ പങ്കെടുത്ത ഒരാള്‍ക്ക് സാരമായ പരിക്കേറ്റു. ഇയാളെ ആശുപത്രിയില്‍ പ്രവേശിപ്പിച്ചിരിക്കുകയാണ്. ഗുജറാത്ത് തിരഞ്ഞെടുപ്പില്‍ സ്വതന്ത്ര സ്ഥാനാര്‍ഥിയായാണ് ജിഗ്നേഷ് മേവാനി മത്സരിക്കുന്നത്. അക്രമത്തിനു പിന്നില്‍ ബിജെപിയാണെന്ന് മേവാനി ആരോപിച്ചു.

ബിജെപിയുടെ ഭയമാണ് ഇത്തരം ആക്രമണത്തിനു പിന്നിലെന്നും മേവാനി പറഞ്ഞു. അതേസമയം, മേവാനിക്കെതിരായ അക്രമത്തില്‍ ബിജെപിക്ക് ബന്ധമൊന്നുമില്ലെന്ന് ബിജെപി വക്താവ് ജഗദീഷ് ഭവ്‌സര്‍ വ്യക്തമാക്കി.