വരൾച്ച: മറാത്ത്‍വാഡയിലെ ഡാമുകളും വറ്റി

മഹാരാഷ്ട്ര: കടുത്ത വരള്‍ച്ച മഹാരാഷ്ട്രയെ വറ്റി വരണ്ടതാക്കുന്നു. ഏറ്റവും കൂടുതല്‍ വരള്‍ച്ച അനുഭവപ്പെടുന്ന മറാത്ത്‍വാഡയിലെ ഡാമുകളും മറ്റു ജലസംഭരണികളുമെല്ലാം വറ്റിക്കൊണ്ടിരിക്കുകയാണ്. ഒരു ശതമാനം വെള്ളം മാത്രമേ ഇപ്പോള്‍ ഡാമുകളിലുള്ളൂ എന്നാണ് ഏറ്റവും പുതിയ കണക്ക്.

844 ജല പദ്ധതികളുണ്ടെങ്കിലും രാജ്യത്തെ ഏറ്റവും വരണ്ട പ്രദേശമായി മാറിക്കൊണ്ടിരിക്കുകയാണ് മാറാത്ത്‍‍വാഡ. ടാങ്കറുകളിലൂടെ എത്തിക്കുന്ന വെള്ളത്തിലാണ് ഇപ്പോള്‍ പ്രദേശവാസികള്‍ ജീവിതം മുന്നോട്ട് കൊണ്ടുപോകുന്നത്. എന്നാല്‍ പ്രദേശത്തെ ഭൂഗര്‍ഭജലത്തിന്‍റെ നിരക്ക് അതിവേഗം താഴ്ന്നു കൊണ്ടിരിക്കുന്നതിനാല്‍ ടാങ്കറുകളില്‍ നിറയ്ക്കാനുള്ള വെള്ളം പോലും കിട്ടുന്നില്ല.