സ്വവര്‍ഗരതി നിയമവിധേയമാക്കിയേക്കും

ന്യൂഡല്‍ഹി: പ്രായപൂര്‍ത്തിയായവര്‍ തമ്മിലുള്ള സ്വവര്‍ഗരതി നിയമവിധേയമാക്കുന്ന തരത്തിലുള്ള ഉത്തരവ് സുപ്രീംകോടതിയില്‍ നിന്ന് ഉണ്ടാവുമെന്ന് കോടതി പരാമര്‍ശം. സ്വവര്‍ഗരതിയുമായി ബന്ധപ്പെട്ട ഹര്‍ജികളില്‍ സുപ്രീം കോടതി ഭരണഘടനാ ബെഞ്ചില്‍ വാദം തുടരവേയാണ് പ്രസ്തുത വിഷയവുമായി ബന്ധപ്പെട്ട് കോടതി പരാമര്‍ശം നടത്തിയത്.

സ്വവര്‍ഗരതി നിയമ വിധേയമാക്കിയാല്‍ അതിനെ എതിര്‍ക്കുമെന്നായിരുന്നു കേന്ദ്രസര്‍ക്കാര്‍ ആദ്യം അറിയിച്ചിരുന്നത്. എന്നാല്‍ ഇതിന് അനുകൂലമായോ, പ്രതികൂലമായോ നിലപാടെടുക്കാന്‍ കേന്ദ്രം തയ്യാറായില്ല. വിഷയത്തില്‍ രണ്ടാം ദിവസവും വാദം തുടരുകയാണ്.

ഐ പി സി 377-ാം വകുപ്പനുസരിച്ച് ഉഭയസമ്മതപ്രകാരമുള്ള സ്വവര്‍ഗരതി ഇപ്പോള്‍ ക്രിമിനല്‍ കുറ്റമാണ്. ഇതിന്റെ നിയമസാധുത പരിശോധിക്കുന്ന ഹര്‍ജികളിലാണ് സുപ്രീംകോടതി വാദം കേള്‍ക്കുന്നത്. 2013-ല്‍ ആയിരുന്നു 377-ാം വകുപ്പ് ക്രിമിനല്‍ കുറ്റമാക്കി സുപ്രീംകോടതി ഉത്തരവിട്ടത്.