ന്യൂഡൽഹി: പ്രതിരോധമന്ത്രി രാജ്നാഥ് സിങ് നാളെ ജമ്മു കശ്മീരിലെ സിയാച്ചിൻ സന്ദര്ശിക്കും. സുരക്ഷാ സാഹചര്യങ്ങള് വിലയിരുത്താൻ കരസേനാ മേധാവി ബിപിൻ റാവത്തും അദ്ദേഹത്തെ അനുഗമിക്കും. സിയാച്ചിൻ സൈനിക ക്യാമ്പിലെ ജവാന്മാരുമായി പ്രതിരോധമന്ത്രി കൂടിക്കാഴ്ച നടത്തും. ലോകത്തിലെ ഏറ്റവും ഉയരത്തിലുള്ള സൈനിക ക്യാമ്പാണ് സിയാച്ചിനിൽ സ്ഥിതി ചെയ്യുന്നത്. ശൈത്യകാലത്ത് ഇവിടുത്തെ അന്തരീക്ഷ താപം -70 ഡിഗ്രി വരെ താഴും. സമുദ്രനിരപ്പിൽ നിന്ന് 18,000 അടി ഉയരത്തിലാണ് സിയാച്ചിൻ.
കഴിഞ്ഞ വര്ഷം രാഷ്ട്രപതി രാംനാഥ് കോവിന്ദ്, പ്രധാനമന്ത്രി നരേന്ദ്രമോദി, പ്രതിരോധമന്ത്രി നിര്മ്മലാ സീതാരാമൻ എന്നിവരും സിയാച്ചിൻ സന്ദര്ശിച്ചിരുന്നു. 1984 ൽ ബേസ് ക്യാമ്പ് സ്ഥാപിച്ച ശേഷം ഇതുവരെ ഏകദേശം 11,000 സൈനികര് ഇവിടെ വച്ച് മരിച്ചിട്ടുണ്ട്.
കഴിഞ്ഞ വര്ഷം രാഷ്ട്രപതി രാംനാഥ് കോവിന്ദ്, പ്രധാനമന്ത്രി നരേന്ദ്രമോദി, പ്രതിരോധമന്ത്രി നിര്മ്മലാ സീതാരാമൻ എന്നിവരും സിയാച്ചിൻ സന്ദര്ശിച്ചിരുന്നു. 1984 ൽ ബേസ് ക്യാമ്പ് സ്ഥാപിച്ച ശേഷം ഇതുവരെ ഏകദേശം 11,000 സൈനികര് ഇവിടെ വച്ച് മരിച്ചിട്ടുണ്ട്.