'നിങ്ങള്‍ snollygoster'; അജിത് പവാറിനോട് ശശി തരൂര്‍; ഈ വാക്കിന്‍റെ അര്‍ത്ഥം?

വീണ്ടും ആളുകളെ കുഴപ്പിക്കാനായി പുതിയ വാക്കുമായി എത്തിയിരിക്കുകയാണ് ശശി തരൂര്‍. എന്നാല്‍, ഈ വാക്ക് ഈ ദിവസം പറയാന്‍ ഒരു പ്രത്യേകത ഉണ്ട്. ശനിയാഴ്ച മഹാരാഷ്ട്രയില്‍ അരങ്ങേറിയ രാഷ്ട്രീയ അട്ടിമറിയെ പരാമര്‍ശിച്ചുകൊണ്ടാണ് തരൂര്‍ ഈ വാക്ക് പങ്കുവെച്ചിരിക്കുന്നത്.

'snollygoster' അതായത് 'ധാര്‍മികതയേക്കാള്‍ വ്യക്തിപരമായ നേട്ടങ്ങള്‍ക്ക് പ്രാധാന്യം കല്‍പ്പിക്കുന്ന രാഷ്ട്രീയക്കാരന്‍' എന്നാണ് ഈ കടുകെട്ടി വാക്കിന്റെ അര്‍ഥം. ഇന്നത്തെ സാഹചര്യത്തില്‍ ഈ രാഷ്ട്രീയക്കാരന്‍ മറ്റാരുമല്ല, എന്‍സിപി നേതാവും മഹാരാഷ്ട്രയിലെ ഉപമുഖ്യമന്ത്രിയുമായ അജിത് പവാര്‍ ആണ്.

പുതിയ ട്വീറ്റ്;

2017 ജൂലായ് 27 നാണ് ഈ വാക്ക് ആദ്യമായി തരൂര്‍ പുറത്തുവിട്ടത്. എന്നാല്‍, ഇന്നലെ മഹാരാഷ്ട്രയില്‍ ഉണ്ടായ രാഷ്ട്രീയ അട്ടിമറിയെ തുടര്‍ന്നാണ് ട്വീറ്റ് വീണ്ടും പങ്കുവെച്ചിരിക്കുന്നത്. അന്ന് ആര്‍ജെഡിയുമായും കോണ്‍ഗ്രസുമായുള്ള സഖ്യം അവസാനിപ്പിച്ച് നിതീഷ് കുമാര്‍ ബിജെപി പാളയത്തില്‍ എത്തിയതിനെ വിമര്‍ശിച്ചുകൊണ്ടാണ് തരൂര്‍ ഈ വാക്ക് ഉപയോഗിച്ചത്.

പഴയ ട്വീറ്റ്;


'ഇന്നത്തെ വാക്ക്' എന്ന തലക്കെട്ടില്‍ ആണ് ട്വീറ്റ് ചെയ്തത. Snollygoster ഭാഷയില്‍ ആദ്യം പ്രയോഗിച്ചു കണ്ടത് 1845 ല്‍ ആണെന്നും ഏറ്റവും പുതുതായി പ്രയോഗിച്ചത് 2017 ജൂലൈ 26 നാണെന്നും അദ്ദേഹം കുറിച്ചിരുന്നു. ശനിയാഴ്ചത്തെ ട്വീറ്റില്‍ 'ഏറ്റവും പുതിയ പ്രയോഗ'ത്തിന്റെ തീയതി '23 നവംബര്‍ 2019 മുംബൈ' എന്നു ട്വീറ്റില്‍ തിരുത്തി റീട്വീറ്റ് ചെയ്തു.