കെസിആറിന്റെ ഡൽഹി പര്യടനം; കെജ്രിവാളുമായി കൂടിക്കാഴ്ച നടത്തി, സ്കൂളുകൾ സന്ദർശിച്ചു

ന്യൂഡൽഹി: തെലങ്കാന മുഖ്യമന്ത്രി കെ ചന്ദ്രശേഖർ റാവുവിന്റെ ദേശ പര്യടനത്തിനിടെ ഡൽഹി മുഖ്യമന്ത്രി അരവിന്ദ് കെജ്രിവാളുമായി കൂടിക്കാഴ്ച നടത്തി. സമാജ്വാദി പാർട്ടി അധ്യക്ഷൻ അഖിലേഷ് യാദവുമായി കൂടിക്കാഴ്ച നടത്തിയതിന് പിന്നാലെയാണ് കെജ്രിവാളുമായുള്ള കൂടിക്കാഴ്ച.

Also Read : കേന്ദ്രത്തിന് പിന്നാലെ സംസ്ഥാനവും ഇന്ധന നികുതി കുറയ്ക്കും; പെട്രോളിന് 2.41 രൂപ കുറയും

ഡൽഹി പര്യടനത്തിനിടെ അദ്ദേഹം സർക്കാർ സ്കൂളുകളും സന്ദർശിച്ചു. കെജ്രിവാളും അദ്ദേഹത്തെ അനുഗമിച്ചിരുന്നു.

"ബഹുമാനപ്പെട്ട തെലങ്കാന മുഖ്യമന്ത്രി ശ്രീ. കെ. ചന്ദ്രശേഖർ റാവുവിനൊപ്പം ഡൽഹി സർക്കാരിന്റെ ലോകപ്രശസ്ത സ്‌കൂളുകൾ സന്ദർശിക്കുന്നു," കെജ്‌രിവാൾ ഒരു ലൈവിനൊപ്പം സംപ്രേക്ഷണത്തോടൊപ്പം ട്വീറ്റ് ചെയ്തു. ഡൽഹിയിലെ സ്‌കൂളുകളുടെ എണ്ണത്തെക്കുറിച്ചും ആകെത്തെക്കുറിച്ചും റാവുവിനെ അറിയിക്കുന്നതും വീഡിയോയിൽ കാണാം.

Also Read : ഭർത്താവിനെ കൊല്ലാൻ വാടകകൊലയാളിക്ക് പകരം 'അണ്ടർകവർ ഏജന്റ്'; വനിതാ ഡോക്ടർ അറസ്റ്റിൽ

കെസിആറിന്റെ ദേശ പര്യടനത്തിനിടെ ആം ആദ്മി, ജെഡിഎസ്, ജാർഖണ്ഡ് മുക്തി മോർച്ച തുടങ്ങി പ്രാദേശിക പാർട്ടികളുമായി ചർച്ച നടത്തുമെന്ന് നേരത്തെ അറിയിച്ചിരുന്നു. കെജ്‍രിവാളിന് പുറമെ ഭഗവന്ത് മാൻ, ഹേമന്ദ് സോറൻ, ദേവഗൗഡ, കുമാരസ്വാമി തുടങ്ങിയ നേതാക്കളുമായി കൂടിക്കാഴ്ച നിശ്ചയിച്ചിട്ടുണ്ട്. നേരത്തെ, പിണറായി വിജയൻ, മമത ബാനർജി, എം കെ സ്റ്റാലിൻ അടക്കമുള്ളവരുമായി ഹൈദരാബാദിലെ വസതിയിൽ വച്ച കൂടിക്കാഴ്ച നടത്തിയിരുന്നു.



ദേശ പര്യടനത്തിന്റെ ഭാഗമായി രാഷ്ട്രീയ, മാധ്യമ, സാമ്പത്തിക മേഖലകളിലെ വിദഗ്ദ്ധരുമായി കൂടിക്കാഴ്ചയാണ് നടത്തുന്നത്. അതിന് പുറമെ, വീരമൃത്യു വരിച്ച സൈനികരുടെ കുടുംബാഗങ്ങളെയും കാണും. പ്രധാന മാധ്യമപ്രവർത്തകരുമായും അദ്ദേഹം കൂടിക്കാഴ്ച നടത്തും.

Also Read : ഇന്ധനവില വീണ്ടും കുറച്ചു; എക്സൈസ് തീരുവ കേന്ദ്രം കുറച്ചു

മെയ് 22 ഞായറാഴ്ച ഉച്ചയ്ക്ക് ശേഷം മുഖ്യമന്ത്രി ചണ്ഡീഗഡ് പര്യടനം നടത്തും. കേന്ദ്ര സർക്കാരിന്റെ വിവാദമായ കാർഷിക നിയമങ്ങൾക്കെതിരെ രാജ്യവ്യാപകമായി നടന്ന പ്രക്ഷോഭത്തിൽ ജീവൻ വെടിഞ്ഞ 600 കർഷക കുടുംബങ്ങളുമായി കൂടിക്കാഴ്ച നടത്തുകയും ചെയ്യും. മരിച്ച കർഷകരുടെ കുടുംബങ്ങൾക്ക് മൂന്ന് ലക്ഷം രൂപയും നൽകും.

പഞ്ചാബ്, ഹരിയാന, ഉത്തർപ്രദേശ്, ഡൽഹി എന്നിവിടങ്ങളിലെ കർഷക കുടുംബങ്ങൾക്കാണ് സഹായം നൽകുക.