'ചെയ്തത് വലിയ തെറ്റ്'; എഎപിയിലേക്ക് ചേക്കേറി മണിക്കൂറുകൾക്കുള്ളിൽ കോൺ​ഗ്രസിലേക്ക് മടക്കം

ന്യൂഡൽഹി: പാർട്ടി വിട്ട് മണിക്കൂറുകൾക്കുള്ളിൽ മനംമാറ്റമുണ്ടായി തിരിച്ചുകയറ്റം. ഡൽഹി കോൺഗ്രസിലാണ് രസകരമായ സംഭവമുണ്ടായിരിക്കുന്നത്. ഡൽഹിയിൽ മുൻസിപ്പൽ കോർപ്പറേഷൻ തെരഞ്ഞെടുപ്പ് ഫലത്തിന്റെ ചൂടാറും മുൻപാണ് കോൺഗ്രസ് കൗൺസിലറും സംസ്ഥാന വൈസ് പ്രസിഡന്റും തന്നെയാണ് പാർട്ടിയിലേക്ക് തന്നെ മടങ്ങിയത്തിയത്.

Also Read : പ്രാർത്ഥനകൾ വിഫലം: കളിക്കിടെ കുഴൽകിണറിൽ വീണ എട്ടു വയസുകാരൻ മരിച്ചു

കോൺഗ്രസ് സംസ്ഥാന വൈസ് പ്രസിഡന്റ് അലി മെഹ്ദിയും മുസ്തഫാബാദിൽ നിന്നും ജയിച്ച സബീല ബീഗവും ബ്രിജ്പുരിയിൽ നിന്നും ജയിച്ച നസി ഖതൂനുമാണ് വെള്ളിയാഴ്ച ആം ആദ്മി പാർട്ടിയിൽ ചേർന്നത്. ഇതിൽ നിന്നും സബീല ബീഗവും അലി മെഹ്ദിയുമാണ് മടങ്ങിയെത്തിയത്. താൻ രാഹുൽ ഗാന്ധിയുടെ ഒരു പ്രവർത്തകനാണെന്ന് പറഞ്ഞുകൊണ്ട് മെഹ്ദി ഒരു വീഡിയോയും പുറത്തുവന്നിട്ടുണ്ട്.

തനിക്ക് സ്ഥാനമാനങ്ങളൊന്നും ആവശ്യമില്ലെന്നും ഞാൻ ചെയ്ത തെറ്റിന് രാഹുൽ ഗാന്ധിയോടും പ്രിയങ്കാ ഗാന്ധിയോടും എന്റെ ജനങ്ങളോടും മാപ്പ് പറയുന്നുവെന്നും അലിമെഹ്ദി തന്റെ ട്വീറ്റിലൂടെ വ്യക്തമാക്കി. പുലർച്ചെ ഒന്നരയ്ക്കായിരുന്നു ട്വീറ്റ് വന്നത്.



സബീല ബീഗത്തിന്റെ ഭർത്താവ് ഹാജി കുശ്നൂബ് ഖാൻ കോൺഗ്രസ് എംപി ഇമ്രാൻ പ്രതാപ് ഗാർഹിയെ കണ്ട് കോൺഗ്രസിലേക്ക് തിരിച്ചുവരുന്ന കാര്യം ഉറപ്പ് നൽകുകയായിരുന്നു. എഎപിയുടെ സ്ഥാനാർത്ഥിയെ പരാജയപ്പെടുത്തിയാണ് സബില ബിഗം വിജയിച്ചത്. ഇവരെ ആം ആദ്മി പാർട്ടി കബളിപ്പിച്ചതാണെന്നും മണിക്കൂറുകൾക്കകം തെറ്റുതിരുത്തിയതായും ഇമ്രാൻ പ്രതാപ് ഗർഹിയും അറിയിച്ചു.

Also Read : പുതിയ വീടിൻ്റെ പാലുകാച്ചൽ 25ന്, പിന്നാലെ മകൻ്റെ കല്യാണം; ബന്ധുക്കളെ ക്ഷണിക്കാനുള്ള യാത്രയിൽ അപകടം, ബൈക്കിൽ ലോറിയിടിച്ച് ഭാര്യ മരിച്ചു

നേരത്തെ മെഹ്ദിയുടേയും മറ്റ് കൗൺസിലർമാരുടേയും കൂറുമാറ്റത്തെ എതിർത്ത് മുസ്തഫാബാദ് പ്രദേശവാസികൾ പ്രതിഷേധിച്ച് രംഗത്തുവന്നിരുന്നു. ഇതോടെയാണ് പാർട്ടിയിലേക്ക് മടങ്ങിവന്നത്. ഇന്ത്യൻ യൂത്ത് കോൺഗ്രസിന്റെ സമൂഹമാധ്യമങ്ങളുടെ ചുമതലയുള്ള മനു ജെയിൻ മെഹ്ദിയെ സർപ്പം എന്നായിരുന്നു വിശേഷിപ്പിച്ചത്. ഈ ട്വീറ്റുകളെല്ലാം ചർച്ചയാകുകയും ചെയ്തിരുന്നു.

പിന്നീട്, മെഹ്ദിയുടെ കോൺഗ്രസിലേക്കുള്ള മടക്കം പ്രഖ്യാപിച്ചതിന് ശേഷം നിരവധി പാർട്ടി നേതാക്കൾ ഓൺലൈനായി എത്തി പിന്തുണ അറിയിക്കുകയും ചെയ്തു.

ഡൽഹിയിൽ വാർത്താസമ്മേളനം നടത്തിയാണ് ആം ആദ്മി പാർട്ടി മൂന്ന് പേർക്കും അംഗത്വം നൽകിയത്.

Also Read : 'എനിക്ക് പ്രായപൂര്‍ത്തിയായി': വീടുവിട്ട ശ്രദ്ധാ വാൾക്കറിൻ്റെ അവസാന വാക്കുകൾ തുറന്ന് പറഞ്ഞ് പിതാവ്

15 വർഷത്തെ ബിജെപിയുടെ ഭരണം അവസാനിപ്പിച്ചാണ് ഡൽഹി മുൻസിപ്പൽ കോർപ്പറേഷൻ ഭരണം എഎപി പിടിച്ചെടുത്തത്. 250 വാർഡുകളിലേക്ക് നടന്ന തെരഞ്ഞെടുപ്പിൽ 134 എണ്ണവും എഎപി പിടിച്ചെടുത്തിരുന്നു. 104 ഇടത്ത് മാത്രമാണ് ബിജെപിക്ക് വിജയിക്കാനായത്.

Read Latest National News and Malayalam News