വെട്ടുകിളിക്കൂട്ടം ഗുരുഗ്രാമിൽ എത്തി; ഹരിയാന മുഴുവൻ പടരുന്നു

കൊവിഡിനു പിന്നാലെ രാജ്യതലസ്ഥാനത്തിന് വെട്ടുകിളിക്കൂട്ടങ്ങളുടെ ആക്രമണ ഭീഷണി. 22 ശതമാനം പച്ചപ്പുള്ള ഡല്‍ഹിയില്‍ വെട്ടുകിളികള്‍ എത്തിയാല്‍ വന്‍നഷ്ടം ഉണ്ടാകുമെന്ന് വിദഗ്ധര്‍ വിലയിരുത്തുന്നു. തെക്കു കിഴക്കന്‍ ദിശയില്‍ കാറ്റു വീശിയതാണു ഡല്‍ഹിയിലേക്ക് എത്തുകയായിരുന്ന വെട്ടുകിളികളുടെ സഞ്ചാരപഥം മാറ്റിയത്.

കഴിഞ്ഞ മൂന്ന് പതിറ്റാണ്ടിനിടയ്ക്കുള്ള ഏറ്റവും രൂക്ഷമായ വെട്ടുകിളി ആക്രമണമാണ് ഉത്തരേന്ത്യയിലും മധ്യഇന്ത്യയിലും നേരിടുന്നത്. രാജസ്ഥാനിലെ 20 ജില്ലകളെയും മധ്യപ്രദേശിലെ 9 ജില്ലകളെയും ഗുജറാത്തിലെ രണ്ട് ജില്ലകളെയും ഉത്തര്‍പ്രദേശ് മധ്യപ്രദേശ് എന്നീ സംസ്ഥാനങ്ങളിലെ ഒരോ ജില്ലകളിലെയും 47,000 ഹെക്ടറുകളെയാണ് വെട്ടുകിളിക്കൂട്ടം ആക്രമിച്ചിരിക്കുന്നത്.

രൂക്ഷമായ വെട്ടുകിളി ആക്രമണത്തെ തുടര്‍ന്ന് ഇവയെ ഭയപ്പെടുത്താനായി പോലീസ് സൈറന്‍ ഉപയോഗിക്കുകയാണെന്ന് മധ്യപ്രദേശ്. പന്ന ടൈഗര്‍ റിസര്‍വില്‍ കാണപ്പെട്ട പ്രാണികള്‍ പ്രദേശത്തെ കാട്ടുചെടികളെയും മരങ്ങളെയും വ്യാപകമായി ആക്രമിച്ചിരുന്നു. വിളകള്‍ക്ക് നാശം വരാതിരിക്കാന്‍ ഭരണകൂടം ഈ രീതി സ്വീകരിച്ചിട്ടുണ്ടെന്നാണ് വെട്ടുകിളികളെ ഭയപ്പെടുത്താന്‍ പോലീസ് സൈറന്‍ ഉപയോഗിക്കുന്നത്.