ന്യൂഡൽഹി: സ്കൂള് സിലബസിൽ ഭരണഘടനാശിൽപി ഡോ. ബി ആര് അംബേദ്കറെക്കുറിച്ചുള്ള പാഠഭാഗങ്ങള് ഉള്ക്കൊള്ളിക്കാനുള്ള ഒരുക്കത്തിൽ ഡൽഹി സര്ക്കാര്. അംബേദ്കറുട പോരാട്ടങ്ങളും സാമൂഹികമുന്നേറ്റത്തിൽ വഹിച്ച പങ്കും ഉള്പ്പെടുത്തിയായിരിക്കും പാഠ്യപദ്ധതി തയ്യാറാക്കുക. ഡൽഹി സാമൂഹികക്ഷേമ മമന്ത്രി രാജേന്ദ്ര പൽഗൗതം ആണ് ഇക്കാര്യം ട്വിറ്ററിലൂടെ അറിയിച്ചത്. ഡോ. ബി ആര് ആംബേദ്കറുടെ ജീവിതം, പോരാട്ടം, അദ്ദേഹത്തിന് നേരിടേണ്ടി വന്ന വിവേചനങ്ങള്, അദ്ദേഹമുണ്ടാക്കിയ നേട്ടങ്ങള് എന്നിവ ഉള്പ്പെടുന്ന പാഠഭാഗങ്ങള് കൂട്ടിച്ചേര്ത്ത് ഡൽഹി സര്ക്കാര് ഉടൻ സിലബസ് പുറത്തിറക്കുമെന്ന് മന്ത്രി ട്വിറ്ററിൽ കുറിച്ചു.
പുതിയ പാഠഭാഗങ്ങള് തയ്യാറാക്കുന്നതിനുള്ള പാനൽ രൂപീകരിച്ചു കഴിഞ്ഞതായും ഡൽഹി സര്ക്കാര് അറിയിച്ചു. അവര് സവര്ക്കറെക്കുറിച്ച് പഠിപ്പിക്കട്ടെ, നമുക്ക് അംബേദ്കറെക്കുറിച്ച് പഠിപ്പിക്കാം എന്നായിരുന്നു സര്ക്കാരിന്റെ തീരുമാനത്തെപ്പറ്റി മുഖ്യമന്ത്രി അരവിന്ദ് കെജ്രിവാളിന്റെ പ്രതികരണം.
പുതിയ പാഠഭാഗങ്ങള് തയ്യാറാക്കുന്നതിനുള്ള പാനൽ രൂപീകരിച്ചു കഴിഞ്ഞതായും ഡൽഹി സര്ക്കാര് അറിയിച്ചു. അവര് സവര്ക്കറെക്കുറിച്ച് പഠിപ്പിക്കട്ടെ, നമുക്ക് അംബേദ്കറെക്കുറിച്ച് പഠിപ്പിക്കാം എന്നായിരുന്നു സര്ക്കാരിന്റെ തീരുമാനത്തെപ്പറ്റി മുഖ്യമന്ത്രി അരവിന്ദ് കെജ്രിവാളിന്റെ പ്രതികരണം.