കേരളത്തിന് സഹായവുമായി ഡല്‍ഹി ഹൈക്കോടതി ജഡ്ജിമാരും

ന്യൂഡല്‍ഹി: പ്രളയത്തില്‍ ദുരിതമനുഭവിക്കുന്ന കേരളത്തിന് ആശ്വാസവുമായി ഡല്‍ഹി ഹൈക്കോടതി ജഡ്ജിമാരും. ചീഫ് ജസ്റ്റിസ് രാജേന്ദ്ര മേനോന്‍റെ നേതൃത്വത്തിലാണ് ജഡ്ജിമാര്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്‍കുന്നത്. ഡല്‍ഹി ഹൈക്കോടതി രജിസ്ട്രാറാണ് ഇതുസംബന്ധിച്ച പ്രസ്താവന പുറത്തിറക്കിയത്.

കേരളത്തിലെ ദുരിതബാധിതരെ സഹായിക്കേണ്ടത് എല്ലാവരുടേയും കടമയാണെന്ന് ജഡ്ജിമാര്‍ പ്രസ്താവനയില്‍ വ്യക്തമാക്കി. എല്ലാ മേഖലയിലുമുള്ളവര്‍ കേരളത്തെ സഹായിക്കുന്നതിനായി മുന്നോട്ടുവരണമെന്നും ജഡ്ജിമാര്‍ ആവശ്യപ്പെടുന്നു. നേരത്തേ സുപ്രീം കോടതി ചീഫ് ജസ്റ്റിസ് അടക്കമുള്ള ജഡ്ജിമാരും കേരളത്തിന് സഹായവുമായി രംഗത്തെത്തിയിരുന്നു.