ആര്‍കെ നഗര്‍: ദിനകരൻ കുതിപ്പ് തുടരുന്നു

ചെന്നൈ: ആര്‍കെ നഗര്‍ ഉപതിരഞ്ഞെടുപ്പിൽ എതിരാളികളെ ബഹുദൂരം പിന്നിലാക്കി സ്വതന്ത്ര സ്ഥാനാര്‍ത്ഥി ടിടിവി ദിനകരൻ. ദിനകരന്‍റെ ഭൂരിപക്ഷം 31,000 കടന്നു.

ഇതുവരെ 64627 വോട്ടുകളാണ് ദിനകരന് ലഭിച്ചത്. രണ്ടാം സ്ഥാനത്തുള്ള എഐഡിഎംകെ സ്ഥാനാര്‍ത്ഥി ഇ മധുസൂധനന് 33436 വോട്ടുകളും മൂന്നാം സ്ഥാനത്തുള്ള ഡിഎംകെയുടെ മരുതു ഗണേഷിന് 17140 വോട്ടുകളുമാണ് ലഭിച്ചത്. നോട്ടയ്ക്കും പിന്നിലായി അഞ്ചാം സ്ഥാനത്താണ് ബിജെപി. 837 വോട്ടുകള്‍ മാത്രമാണ് ബിജെപിയ്ക്ക് ഇതുവരെ നേടാനായത്.

ദിനകരൻ അനുകൂലികളും എഐഡിഎംകെ പ്രവര്‍ത്തകരും തമ്മിലുണ്ടായ സംഘര്‍ഷത്തെ തുടര്‍ന്ന് അരമണിക്കൂറോളം നിര്‍ത്തി വെച്ച ശേഷമായിരുന്നു വോട്ടെണ്ണൽ പുനരാരംഭിച്ചത്. സംഘര്‍ഷത്തിൽ നിരവധി പേര്‍ക്ക് പരിക്കേറ്റിട്ടുണ്ട്. 19 റൗണ്ടുകളിലായാണ് വോട്ടെണ്ണൽ നടക്കുന്നത്.