ടിടിവി ദിനകരന്‍റെ പാർട്ടി വ്യാഴാഴ്‌ച പ്രഖ്യാപിക്കും

ചെന്നൈ: തമിഴ്‌നാട്ടിൽ എഐഡിഎംകെ നേതാവ് ടിടിവി ദിനകരൻ പുതിയ പാർട്ടി പ്രഖ്യാപിക്കാൻ ഒരുങ്ങുന്നു. വ്യാഴാഴ്‌ച മധുരയിൽ വെച്ച് പാർട്ടിയുടെ പേരും ചിഹ്നവും പ്രഖ്യാപിക്കും.

ജയലളിതയുടെ മരണ ശേഷം ഒപിഎസും ഇപിഎസും നേതൃത്വം നൽകുന്ന ഔദ്യോഗിക പക്ഷവും ശശികല പക്ഷവുമാണുള്ളത്. അനധികൃത സ്വത്ത് സമ്പാദനക്കേസിൽ ജയലളിതയുടെ വിശ്വസ്തയായിരുന്ന ശശികല ജയിലലാക്കപ്പെട്ടു. ശശികലയുടെ അടുത്ത ബന്ധുവാണ് ദിനകരൻ.

എഐഡിഎംകെയുടെ രണ്ടില ചിഹ്നം തെരഞ്ഞെടുപ്പ് കമ്മീഷൻ ഒപിഎസ് ഇപിഎസ് പക്ഷത്തിന് നൽകി. കമ്മീഷന്‍റെ ഈ തീരുമാനം ശശികലക്ക് വലിയ തിരിച്ചടിയായിരുന്നു. തുടർന്നാണ് ഒരു വലിയ നീക്കമെന്ന രീതിയിൽ ദിനകരൻ പുതിയ പാർട്ടിയുമായി രംഗത്തെത്തുന്നത്.