ദിവ്യ സ്പന്ദന കോൺഗ്രസ് സമൂഹമാധ്യമ സെൽ മേധാവി സ്ഥാനം രാജിവെച്ചു

ന്യൂഡൽഹി: ദിവ്യ സ്പന്ദന കോൺഗ്രസ് സമൂഹമാധ്യമ വിഭാഗത്തിന്‍റെ മേധാവി സ്ഥാനം രാജിവെച്ചതായി റിപ്പോര്‍ട്ട്. ബിജെപിയ്ക്കെതിരെ സമൂഹമാധ്യമങ്ങളിൽ നിശിതവിമര്‍ശനം നടത്തിവന്നിരുന്ന ദിവ്യ സ്പന്ദന സെപ്റ്റംബര്‍ 26ന് ശേഷം പുതിയ പോസ്റ്റുകളൊന്നും ട്വിറ്ററിൽ ഇട്ടിരുന്നില്ല.

പ്രധാനമന്ത്രി നരേന്ദ്ര മോദിയെ അവഹേളിക്കുന്ന തരത്തിൽ ചിത്രം ട്വീറ്റ് ചെയ്തെന്ന് ആരോപിച്ച് പോലീസ് കഴിഞ്ഞ ദിവസം ദിവ്യ സ്പന്ദനയ്ക്കെതിരെ കേസെടുത്തിരുന്നു. രാജ്യദ്രോഹക്കുറ്റം ചുമത്തി കേസെടുത്തതിനു പിന്നാലെ ദിവ്യ മോദിയെ കള്ളനെന്ന് വിളിച്ച് വീണ്ടും രംഗത്തെത്തി.

അതേസമയം, സ്ഥാനം രാജിവെച്ചെങ്കിലും ദിവ്യ കോൺഗ്രസിൽ തുടരുമെന്നും പാര്‍ട്ടി പദവികളിലേയ്ക്ക് കോൺഗ്രസ് അവരെ തിരികെ കൊണ്ടുവന്നേക്കുമെന്നുമാണ് റിപ്പോര്‍ട്ടുകള്‍. വാര്‍ത്ത കോൺഗ്രസ് സ്ഥിരീകരിച്ചിട്ടില്ല.