ബാഹുബലി കണ്ട് പാട്ടും പാടി ഒരു മസ‍‍്‍തിഷ‍്‍ക ശസ്ത്രക്രിയ

ഹൊറർ സിനിമകൾ കാണുമ്പോൾ ആളുകൾ ഹൃദയാഘാതം വന്ന് മരിക്കുന്ന വാർത്തകളൊക്കെ ചിലപ്പോഴെങ്കിലും നമ്മൾ കേട്ടിട്ടുണ്ട്. എന്നാൽ സങ്കീർണമായ ഒരു ശസ്ത്രക്രിയ നടക്കുമ്പോൾ ഒരു രോഗി സിനിമ കണ്ടിരുന്നാലോ ?! ആന്ധ്രപ്രദേശിലെ ഗുണ്ടൂരിലെ ഒരു സ്വകാര്യ ആശുപത്രിയിൽ അങ്ങനെയും സംഭവിച്ചു.

ആന്ധ്രസ്വദേശിനിയായ ഹെഡ് നഴ്സ് വിനയകുമാരിയാണ് ഇത്തരത്തിൽ ശസ്ത്രക്രിയക്ക് വിധേയയായത്. ശസ്ത്രക്രിയ നടക്കുമ്പോൾ കണ്ട സിനിമയാവട്ടെ, ബ്രഹ്മാണ്ഡ ചിത്രം ബാഹുബലി. അനസ്തേഷ്യ നൽകി മയക്കികിടത്തി ഈ ശസ്ത്രക്രിയ ചെയ്യാൻ പറ്റുമായിരുന്നില്ല. അത് കൊണ്ടാണ് രോഗി ശസ്ത്രക്രിയ നടക്കുമ്പോൾ ഉണർന്നിരിക്കേണ്ടി വന്നത്.

സിനിമയിലെ പാട്ടുകൾ പോലും വിനയകുമാരി മൂളുന്നുണ്ടായിരുന്നെന്ന് ശസ്ത്രക്രിയക്ക് നേതൃത്വം നൽകിയ ഡോക്ടർ ശ്രീനിവാസ റെഡ്ഢി പറഞ്ഞു. ശസ്ത്രക്രിയയുടെ ദൃശ്യങ്ങളും സാമൂഹ്യമാധ്യമങ്ങളിൽ വൈറലാവുകയാണ്.

വിനയകുമാരിയുടെ ഏറ്റവും ഇഷ്ടപ്പെട്ട സിനിമയായത് കൊണ്ടാണ് ഡോക്ടർമാർ ബാഹുബലി സിനിമ തന്നെ വെക്കാൻ തീരുമാനിച്ചത്. സിനിമ തീരും മുമ്പെ ഒന്നര മണിക്കൂർ കൊണ്ട് ശസ്ത്രക്രിയ വിജയകരമായി അവസാനിച്ചു.



Doctors perform brain surgery while patient watches Baahubali movie

Doctors of a private multi specialty hospital performed complicated brain surgery while patient watches Baahubali movie.