രക്തദാനം ചെയ്‍താല്‍ ദുര്‍ഗാ പൂജക്ക് വിഐപി ടിക്കറ്റ്

കൊല്‍ക്കത്ത: രക്തദാനം പ്രോത്സാഹിപ്പിക്കുന്നതിനായി ദുര്‍ഗാ പൂജയ്‍ക്ക് വിഐപി ടിക്കറ്റുമായി കൊല്‍ക്കത്തയിലെ സംഘടന. ദുര്‍ഗോത്സവ് എന്ന സംഘടനയാണ് ജൂണ്‍ നാലിന് ഖുദിറാം അനുശീലന്‍ കേന്ദ്രത്തില്‍ നടക്കുന്ന രക്തദാന ക്യാംപില്‍ പങ്കെടുക്കുന്നവര്‍ക്ക് ദുര്‍ഗാ പൂജക്ക് വിഐപി ടിക്കറ്റ് നല്‍കുമെന്ന് വാഗ്‍ദാനം ചെയ്‍തിരിക്കുന്നത്.

എനിക്ക് രക്തം തരൂ, നിങ്ങള്‍ക്ക് ഞാന്‍ സ്വാതന്ത്ര്യം തരാം എന്ന സുഭാഷ് ചന്ദ്രബോസിന്‍റെ ആഹ്വാനത്തിന്‍റെ മാതൃകയില്‍ മാതാവിനായി രക്തദാനം ചെയ്യാം എന്ന മുദ്രാവാക്യം ഉയര്‍ത്തിയാണ് സംഘടന രംഗത്തെത്തിയിട്ടുള്ളത്.

എന്നാല്‍, ദുര്‍ഗോത്സവിന്‍റെ നീക്കത്തിനെതിരെ ജനങ്ങളില്‍നിന്നും അധികൃതരില്‍നിന്നും വലിയ പ്രതിഷേധമാണുയരുന്നത്. രക്തം ദാനം ചെയ്യാന്‍ ഇത്തരം വാഗ്‍ദാനങ്ങള്‍ നല്‍കുന്നത് അധാര്‍മികമാണെന്ന് കൊല്‍ക്കത്ത മെഡിക്കല്‍ ബാങ്ക് പ്രസിഡന്‍റ് ഡി ആശിഷ് പറഞ്ഞു. രക്തദാനം ഒരു പാവനമായ കര്‍ത്തവ്യമായാണ് ലോകമെങ്ങും കണക്കാക്കപ്പെടുന്നത്. എന്നാല്‍, അതിനായി പണം വാഗ്‍ദാനം ചെയ്യുന്നത് ക്രിമിനല്‍ കുറ്റമാണെന്നും അദ്ദേഹം പറഞ്ഞു.

Donate blood and get VIP Durga puja pass in Kolkata

In a bid to increase blood donations in the state, a Kolkata-based forum Durgostav is offering free VIP access passes to Durga puja to all those who participate in mega donation camp.