ജയലളിത നേരത്തേ മരിച്ചെന്ന് പറഞ്ഞ ഡോക്‍ടറെ അറസ്റ്റ് ചെയ്‍തു

ചെന്നൈ: തമിഴ്‍നാട് മുന്‍ മുഖ്യമന്ത്രി ജയലളിത അപ്പോളോ ആശുപത്രിയിലെത്തും മുന്‍പ് മരിച്ചിരുന്നെന്ന് അവകാശപ്പെട്ട ഡോ രാമ സീതയെ പോലീസ് അറസ്‍റ്റ് ചെയ്‍തു.അപ്പോളോ ആശുപത്രി മാനേജ്‍മെന്‍റ് നല്‍കിയ പരാതിയുടെ അടിസ്ഥാനത്തിലാണ് പേരമ്പൂര്‍ സ്വദേശിയായ ഡോക്‍ടറെ അറസ്‍റ്റ് ചെയ്‍തത്.

ഏതാനും ആഴ്‍ചകള്‍ക്കു മുന്‍പ് ജയലളിതയുടെ അനന്തിരവള്‍ ദീപ ജയകുമാര്‍കൂടി പങ്കെടുത്ത ഒരു യോഗത്തില്‍വെച്ചാണ് ജയ ആശുപത്രിയിലെത്തും മുന്‍പ് മരിച്ചെന്ന് രാമസീത അവകാശപ്പെട്ടത്. വിവരം അറിഞ്ഞിട്ടും ജയയെ അധികൃതര്‍ ആശുപത്രിയില്‍ പ്രവേശിപ്പിക്കുകയും ജയയുടെ ആരോഗ്യനില പുരോഗമിക്കുന്നതായി പത്രക്കുറിപ്പ് ഇറക്കുകയും ചെയ്‍തതായി ഡോക്‍ടര്‍ അവകാശപ്പെട്ടിരുന്നു.

താന്‍ അപ്പോളോ ആശുപത്രിയിലാണ് ജോലി ചെയ്‍തിരുന്നതെന്നും മാനേജ്‍മെന്‍റിന്‍റെ ഇത്തരം നടപടികളോട് യോജിക്കാനാവാത്തതിനാല്‍ രാജിവെക്കുകയുമായിരുന്നെന്നുമാണ് രാമസീത അവകാശപ്പെട്ടത്. എന്നാല്‍ ഡോക്‍ടര്‍ അപ്പോളോയില്‍ ജോലി ചെയ്‍തിട്ടില്ലെന്ന് ആശുപത്രി അധികൃതര്‍ പറഞ്ഞിരുന്നു.

Dr Rama Seetha arrested for spreading rumours about J Jayalalithaa’s death

Police have arrested a nutritionist Rama Seetha of Perambur, based on a complaint from the Apollo Hospitals management, for claiming that former chief minister J Jayalalithaa had no pulse when she was admitted to the hospital on September 22 last year.