മദ്യലഹരിയിൽ അമ്മയ്ക്കും സഹോദരനും നേര്‍ക്ക് സ്ത്രീ വെടിയുതിര്‍ത്തു

ന്യൂഡൽഹി: മദ്യലഹരിയിൽ സ്ത്രീ അമ്മയ്ക്കും സഹോദരനും നേര്‍ക്ക് വെടിയുതിര്‍ത്തതായി റിപ്പോര്‍ട്ട്. ന്യൂഡൽഹിയിലെ ഡിഫൻസ് കോളനിയിലാണ് സംഭവം.

ഗുരുതരമായി പരിക്കേറ്റ അമ്മയെയും സഹോദരനെയും ആശുപത്രിയിൽ പ്രവേശിപ്പിച്ചു. സംഭവസമയം സ്ത്രീ മദ്യലഹരിയിലായിരുന്നുവെന്നും മൂന്നുവട്ടം ഇവര്‍ വെടിയുതിര്‍ത്തെന്നും പോലീസ് അറിയിച്ചു.

നടക്കാൻ പോലും സാധിക്കാത്ത അവസ്ഥയിലായിരുന്നു ഇവരെന്ന് ദൃക്സാക്ഷികള്‍ പറഞ്ഞു. വസ്തുസംബന്ധമായ തര്‍ക്കം കുടുംബത്തിൽ ഉണ്ടായിരുന്നെങ്കിലും വെടിവെക്കാനുണ്ടായ സാഹചര്യം ഇതല്ലെന്നാണ് നിഗമനം.