ഇ അഹമ്മദ് വെന്‍റിലേറ്ററില്‍: നില ഗുരുതരമായി തുടരുന്നു

ന്യൂഡല്‍ഹി: പാര്‍ലമെന്‍റ് ബജറ്റ് സമ്മേളനത്തിനിടെ ഹൃദയാഘാതം വന്ന മുസ്ലീം ലീഗ് എം.പി ഇ അഹമ്മദിന്‍റെ നില ഗുരുതരമായി തുടരുന്നു. ഡല്‍ഹിയിലെ റാം മനോഹര്‍ ലോഹ്യ ആശുപത്രിയിലുള്ള അദ്ദേഹത്തെ വെന്‍റിലേറ്ററില്‍ പ്രവേശിപ്പിച്ചിരിക്കുകയാണ്. വിദഗ്‍ധ ഡോക്ടര്‍മാരുടെ ഒരു സംഘം അദ്ദേഹത്തെ നിരീക്ഷിക്കുന്നുണ്ട്.

അഹമ്മദിനെ ആശുപത്രിയില്‍ എത്തിക്കുമ്പോള്‍ ഹൃദയമിടിപ്പ് പൂര്‍ണമായി നിലച്ചിരുന്നെന്ന് ആശുപത്രി അധികൃതര്‍ പറഞ്ഞു. 78 കാരനായ അഹമ്മദിന് പാര്‍ലമെന്‍റില്‍ രാഷ്ട്രപതിയുടെ നയപ്രഖ്യാപന പ്രസംഗത്തിനിടെയാണ് ദേഹാസ്വാസ്ഥ്യം അനുഭവപ്പെട്ടത്. പാര്‍ലമെന്‍റ് ജീവനക്കാര്‍ പ്രാഥമിക ചികിത്സ നല്‍കിയെങ്കിലും വേദന കുറയാത്തതിനെത്തുടര്‍ന്നാണ് ആശുപത്രിയിലേക്ക് മാറ്റിയത്.

കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയും കേന്ദ്ര മന്ത്രി ജിതേന്ദ്ര ശര്‍മയും അഹമ്മദിനെ ആശുപത്രിയില്‍ സന്ദര്‍ശിച്ചു. പ്രധാനമന്ത്രി നരേന്ദ്ര മോദി അദ്ദേഹത്തിന്‍റെ വിവരങ്ങള്‍ അന്വേഷിച്ചു.

E Ahamed in critical condition

Lok Sabha MP E Ahamed, who today was taken ill during President Pranab Mukherjee's address to the joint sitting of both Houses of Parliament, has suffered cardiac arrest and his condition is critical.