ഇ-റിക്ഷയിൽ സാമൂഹികാകലം പാലിക്കാന്‍ പുതിയ വഴികള്‍; വീഡിയോ പങ്കിട്ട് ആനന്ദ് മഹീന്ദ്ര

കൊറോണ വൈറസ് പകർച്ചവ്യാധികൾക്കിടയിൽ ലോകം സാമൂഹികാകലം പാലിക്കുന്നതിനായി തീവ്രമായ നടപടികൾ സ്വീകരിച്ചുകൊണ്ടിരിക്കുമ്പോൾ ആനന്ദ് മഹീന്ദ്ര ട്വിറ്ററിൽ പങ്കുവെച്ച വീഡിയോ ശ്രദ്ധനേടുന്നു. ഇ-റിക്ഷയിൽ സഞ്ചരിക്കുന്ന യാത്രക്കാരുടെ വീഡിയോ അദ്ദേഹം ആണ് പങ്കുവെച്ചിരിക്കുന്നത്. യാത്രക്കാരുമായി നേരിട്ട് ബന്ധപ്പെടാതിരിക്കാൻ റിക്ഷയുടെ ഉടമ അതിനെ കമ്പാർട്ട്മെന്‍റായി തിരിച്ചിരിക്കുന്നു. നാല് യാത്രക്കാർക്കായി നാല് ഭാഗങ്ങളായി തിരിച്ചിരിക്കുന്നു. ഡ്രൈവർ സീറ്റും യാത്രക്കാരന്‍ ഇരിക്കുന്ന സ്ഥലവും തമ്മില്‍ സാമൂഹികാകലം കൃത്യമായി പാലിച്ച് പോരുന്നു.

Also Read: COVID 19 LIVE: രാജ്യത്ത് 24 മണിക്കൂറിനുള്ളിൽ 1752 പുതിയ കൊവിഡ് കേസുകള്‍

“പുതിയ സാഹചര്യങ്ങളുമായി അതിവേഗം നവീകരിക്കാനും പൊരുത്തപ്പെടാനുമുള്ള നമ്മുടെ ജനങ്ങളുടെ കഴിവുകൾ എന്നെ അതിശയിപ്പിക്കുന്നു.മഹീന്ദ്ര വീഡിയോ പങ്കുവെച്ച് ട്വിറ്ററില്‍ കുറിച്ചു.


മഹീന്ദ്ര ആൻഡ് മഹീന്ദ്രയുടെ ഓട്ടോ, ഫാം സെക്ടറുകളുടെ എക്സിക്യൂട്ടീവ് ഡയറക്ടർ രാജേഷ് ജെജൂറിക്കറെയെ അദ്ദേഹം ടാഗ് ചെയ്തു: "ഞങ്ങളുടെ ഗവേഷണ-വികസന, ഉൽ‌പന്ന വികസന ടീമുകളുടെ ഉപദേശകനായി അദ്ദേഹത്തെ ഉൾപ്പെടുത്തേണ്ടതുണ്ട്!" എന്നാണ് അദ്ദേഹം ടാഗ് ചെയ്ത് ട്വിറ്ററില്‍ കുറിച്ചത്. ട്വിറ്ററില്‍ പോസ്റ്റ് വൈറലാണ്.

Also Read: മുംബൈയിൽ കൊവിഡ്-19 വ്യാപന സാധ്യത; വൈറസ് ബാധ സ്ഥിരീകരിച്ചവരുടെ എണ്ണം 6,427, മരണസംഖ്യ 283 ആയി

കൊറോണ വൈറസ് വ്യാപനം തടയുന്നതിനായി രാജ്യം ലോക് ഡൗണിലാണ്. ലോകമെമ്പാടുമുള്ള ഗവൺമെന്റുകൾ അവരുടെ പൗരന്മാരുടെ സുരക്ഷ ഉറപ്പുവരുത്തുന്നതിനായാണ് ഇത്തരത്തില്‍ ലോക് ഡൗണ്‍ പ്രഖ്യാപിച്ചിരിക്കുന്നത്. സമ്പദ്‌വ്യവസ്ഥയുടെ സമ്പൂർണ്ണ തകർച്ച തടയുന്നതിനായി പ്രവർത്തനങ്ങൾ പുനരാരംഭിക്കേണ്ടതുണ്ട്. കൊവിഡ്-19ന് ശേഷവും ലോകത്ത് മലിനീകരണ സാധ്യതയില്ലാതെ ആളുകൾക്ക് യാത്ര ചെയ്യാൻ കഴിയുമെന്ന് ഉറപ്പുവരുത്തുന്ന തരത്തില്‍ ക്രമീകരണങ്ങള്‍ കണ്ടെത്തേണ്ടിയിരിക്കുന്നു.