രാജ്യത്തിന്‍റെ വിവിധ ഭാഗങ്ങളിൽ ഭൂചലനം അനുഭവപ്പെട്ടു

ന്യൂഡൽഹി: രാജ്യത്തിന്റെ വിവിധ ഭാഗങ്ങളിൽ ഭൂചലനം അനുഭവപ്പെട്ടു. കേരളത്തിലും ഇന്ന് രാവിലെ ഭൂചലനം അനുഭവപ്പെട്ടിരുന്നു. പത്തനംതിട്ട ജില്ലയിലെ അടൂരിലും പന്തളത്തുമാണ് ഭൂചലനം അനുഭവപ്പെട്ടത്. അസം,മേഘാലയ,ബിഹാർ, ബംഗാൾ , ജമ്മു കശ്‌മീർ എന്നീ സംസ്ഥാനങ്ങളിലും ഭൂചലനമുണ്ടായി.

റിക്ടർ സ്‌കെയിലിൽ 5.5 തീവ്രതയാണ് രേഖപ്പെടുത്തിയത്. രാവിലെ പത്തരയോടെ അനുഭവപ്പെട്ട ഭൂചലനം 15 മുതൽ 20 സെക്കൻഡ് വരെ നീണ്ടു നിന്നു.ഭൂചലനത്തിൽ ആളപായമോ നാശനഷ്ടമോ രേഖപ്പെടുത്തിയിട്ടില്ല. അസമിലെ കൊക്രജാറിൽ നിന്ന് രണ്ടു കിലോമീറ്റർ അകലെയാണ് ഭൂചലനത്തിന്റെ പ്രഭവകേന്ദ്രം. കൊൽക്കത്തയിലും മറ്റ് ആറ് വടക്കൻ ജില്ലകളിലും ഭൂചലനം അനുഭവപ്പെട്ടതായി ഷില്ലോങ്ങിലെ ഭൂചലന ശാസ്ത്രനിരീക്ഷണ കേന്ദ്രം അറിയിച്ചു.