കൈക്കൂലി ആരോപണം: ആര്‍കെ നഗര്‍ തെരഞ്ഞെടുപ്പ് റദ്ദാക്കി

ന്യൂഡല്‍ഹി: തമിഴ്‍നാട് മുന്‍ മുഖ്യമന്ത്രി ജെ ജയലളിതയുടെ മരണത്തെത്തുടര്‍ന്ന് ഒഴിവുവന്ന ആര്‍കെ നഗര്‍ മണ്ഡലത്തിലെ ഉപതെരഞ്ഞെടുപ്പ് തെരഞ്ഞെടുപ്പ് കമ്മീഷന്‍ റദ്ദാക്കി. വോട്ടര്‍മാരെ പണം നല്‍കി സ്വാധീനിക്കാന്‍ ശ്രമം നടക്കുന്നു എന്ന് പരാതി ഉയര്‍ന്നതിനെത്തുടര്‍ന്നാണ് ഏപ്രില്‍ 12ന് നടത്താനിരുന്ന തെരഞ്ഞെടുപ്പ് റദ്ദാക്കാന്‍ കേന്ദ്ര തെരഞ്ഞെടുപ്പ് കമ്മീഷന്‍ ഞായറാഴ്‍ച തീരുമാനമെടുത്തത്.

വോട്ടര്‍മാരെ പണം നല്‍കി സ്വാധീനിക്കാന്‍ ശ്രമിക്കുന്നതായുള്ള ആരോപണത്തെത്തുടര്‍ന്ന് രണ്ടു ദിവസം മുന്‍പ് തമിഴ്‍നാട് ആരോഗ്യമന്ത്രി സി വിജയഭാസ്‍കറിന്‍റെ വീട്ടില്‍ ആദായനികുതി വകുപ്പ് പരിശോധന നടത്തിയിരുന്നു. ആരോപണം സത്യമാണെന്നതിനുള്ള തെളിവുകള്‍ പരിശോധനയില്‍ ലഭിച്ചതായാണ് വിവരം. ഇതിനെത്തുടര്‍ന്നാണ് ഏപ്രില്‍ 12 ലെ തെരഞ്ഞെടുപ്പ് റദ്ദാക്കാന്‍ കമ്മീഷന്‍ തീരുമാനിച്ചത്.

മണ്ഡലത്തില്‍ സ്വന്ത്രവും നീതിപൂര്‍വകവുമായ തെരഞ്ഞെടുപ്പ് നടത്താന്‍ സാഹചര്യം ഉണ്ടാകും വരെ കാത്തിരിക്കുമെന്ന് തെരഞ്ഞെടുപ്പ് കമ്മീഷന്‍ വാര്‍ത്താസമ്മേളനത്തില്‍ പറഞ്ഞു. ലഭിച്ച പണത്തിന്‍റെയും പാരിതോഷികത്തിന്‍റെയും കാര്യം ജനമനസുകളില്‍നിന്ന് മാഞ്ഞുപോയശേഷമാകും തെരഞ്ഞെടുപ്പ് നടത്തുക എന്നും മുഖ്യ തെരഞ്ഞെടുപ്പ് കമ്മീഷണര്‍ നസീം സയീദി പറഞ്ഞു.

EC cancels RK Nagar bypoll, cites voter bribery, corruption

EC's sudden decision came two days after I-T sleuths launched raids on residence and premises of Vijayabaskar