കുരങ്ങന്‍മാരുടെ കൂടെ ജീവിക്കുന്ന മനുഷ്യക്കുട്ടിയെ കണ്ടെത്തി

ബഹ്‍റായിച്ച്: ഉത്തര്‍പ്രദേശിലെ ബഹ്‍റായിച്ചില്‍നിന്ന് കുരങ്ങന്‍മാരുടെ കൂടെ ജീവിക്കുന്ന പെണ്‍കുട്ടിയെ കണ്ടെത്തി. മനുഷ്യരെപ്പോലെ സംസാരിക്കാനോ പെരുമാറാനോ കഴിയാത്ത എട്ട് വയസുകാരിയെ പോലീസുകാരാണ് കുരങ്ങന്മാ‍രുടെ കൂട്ടത്തില്‍ കണ്ടെത്തിയത്.

കതര്‍നിയാഘട്ട് വന്യജീവി സങ്കേതത്തില്‍ പതിവു പരിശോധനയ്‍ക്കിടെ എസ്ഐ സുരേഷ് യാദവും സംഘവുമാണ് ഒരു മനുഷ്യക്കുഞ്ഞിനെ കുരങ്ങന്‍മാരുടെ കൂട്ടത്തില്‍ കണ്ടത്. കുട്ടിയെ രക്ഷപെടുത്താന്‍ ഇവര്‍ ശ്രമിച്ചെങ്കിലും കുരങ്ങന്‍മാരും പെണ്‍കുട്ടിയും പോലീസുകാര്‍ക്കെതിരെ ചീറിയടുത്തു. പിന്‍മാറാതിരുന്ന പോലീസുകാര്‍ ഏറെ നേരത്തെ പരിശ്രമത്തിനൊടുവില്‍ കു‍ട്ടിയെ രക്ഷപെടുത്തി ആശുപത്രിയിലാക്കുകയായിരുന്നു.

മനുഷ്യ ഭാഷ മനസ്സിലാക്കാനോ സംസാരിക്കാനോ കഴിയാത്ത കുട്ടിക്ക് മനുഷ്യരുടെ സാമീപ്യം പേടി ഉണ്ടാക്കുന്നുണ്ട്. കുട്ടി ഇടയ്‍ക്ക് അക്രമാസക്തയാകുന്നതായും ഡോക്ടര്‍മാര്‍ പറഞ്ഞു. ചികിത്സ നല്‍കിയെങ്കിലും കുട്ടിയുടെ ആരോഗ്യ സ്ഥിതിയില്‍ നേരിയ പുരോഗതി മാത്രമേ ഉള്ളു. വായ്‍കൊണ്ട് നേരിട്ട് ഭക്ഷണം കഴിക്കുന്ന കുട്ടി കൈയ്യും കാലും ഉപയോഗിച്ചാണ് നടക്കുന്നത്.

Eight-year-old girl found living with monkeys

The 8-year-old girl was rescued by the police in Bahraich from a troop of monkeys.