മധ്യപ്രദേശില്‍ ആര്‍ക്ക് വോട്ട് ചെയ്‍താലും വീഴുന്നത് ബിജെപിക്ക്

ന്യൂഡല്‍ഹി: ഇലക്ട്രോണിക് വോട്ടിങ് യന്ത്രത്തില്‍ ആര്‍ക്ക് വോട്ട് ചെയ്‍താലും ബിജെപിക്ക് മാത്രം വോട്ട് വീഴുന്നതായി ശ്രദ്ധയില്‍പ്പെട്ടതിനെത്തുടര്‍ന്ന് കേന്ദ്ര തെരഞ്ഞെടുപ്പ് കമ്മീഷന്‍ വിശദീകരണം തേടി. മധ്യപ്രദേശിലെ ഭിന്ദ് നിയമസഭാ മണ്ഡലത്തിലാണ് വോട്ടിങ് യന്ത്രത്തില്‍ തകരാറ് കണ്ടെത്തിയത്.

ഭിന്ദ് മണ്ഡലത്തില്‍ അടുത്ത ആഴ്‍ച നടക്കാനിരിക്കുന്ന തെരഞ്ഞെടുപ്പിന് മുന്നോടിയായി നടന്ന പരിശോധനയിലാണ് പ്രശ്‍നം കണ്ടുപിടിച്ചത്. താന്‍ ഉദ്ദേശിച്ച പാര്‍ട്ടിക്ക് തന്നെയാണ് വോട്ട് ലഭിച്ചത് എന്ന് വോട്ടര്‍ക്ക് ഉറപ്പാക്കാനുള്ള വോട്ടര്‍ വേരിഫയബിള്‍ പേപ്പര്‍ ഓഡിറ്റ് ട്രയല്‍ (വിവിപിഎടി) സംവിധാനം ഉപയോഗിച്ചായിരുന്നു പരിശോധന.

വോട്ട് കുത്തിയശേഷം വോട്ടര്‍ക്ക് കാണാവുന്ന തരത്തില്‍ ഒരു സ്ലിപ് പുറത്തുവരും. ഇതില്‍ വോട്ട് ചെയ്‍ത പാര്‍ട്ടിയുടെ ചിഹ്നവും കാണിക്കും. ഏതാനും സെക്കന്‍റിനുശേഷം ഇത് ഒരു ബോ‍ക്‍സിലേക്കു വീഴും. ഇതാണ് വിവിപിഎടി സംവിധാനം. എന്നാല്‍ ഭിന്ദിലെ വോട്ടിങ് യന്ത്രത്തില്‍ ആര്‍ക്ക് വോട്ട് ചെയ്‍താലും ബിജെപിക്ക് വോട്ട് ലഭിച്ചതായാണ് കാണിക്കുന്നത്.

സംഭവം പുറത്തറിഞ്ഞതോടെ ഇതിനെപ്പറ്റി വാര്‍ത്ത നല്‍കരുതെന്ന് മധ്യപ്രദേശിലെ മുഖ്യ തെരഞ്ഞെടുപ്പ് ഓഫീസര്‍ സലീന സിങ് മാധ്യമപ്രവര്‍ത്തകരോട് ആവശ്യപ്പെട്ടതായും റിപ്പോര്‍ട്ട് ഉണ്ട്.

Election Commission seeks report on VVPAT dispensing BJP slips in Madhya Pradesh

The Election Commission has sought a detailed report from the district poll authorities in Bhind, Madhya Pradesh on media reports that VVPAT was only dispensing slips of BJP symbol during a demonstration exercise.