Secunderabad Fire Accident: തെലങ്കാനയില്‍ ഇലക്ട്രിക് ബൈക്ക് ഷോറൂമില്‍ തീപിടിത്തം; മരണം എട്ടായി

ഹൈദരാബാദ്: തെലങ്കാനയിലെ സെക്കന്ദരാബാദില്‍ ഇലക്ട്രിക് ബൈക്ക് ഷോറൂമില്‍ തീപിടിത്തം. അപകടത്തില്‍ എട്ട് പേര്‍ മരിച്ചതായി എഎന്‍ഐ റിപ്പോര്‍ട്ട് ചെയ്തു. നിരവധി പേര്‍ക്ക് പരിക്കേറ്റു. തിങ്കളാഴ്ച രാത്രിയോടാണ് തീപിടിത്തമുണ്ടായത്.

Also Read: തെരുവ് നായ ശല്യം: മന്ത്രി എംബി രാജേഷും തദ്ദേശസ്ഥാപന അധ്യക്ഷന്മാരുമായി യോഗം ഇന്ന്


താഴത്തെ നിലയിലുള്ള ഇലക്ട്രിക് സ്‌കൂള്‍ റീചാര്‍ജിങ് യൂണിറ്റിലാണ് തീപിടിത്തം ഉണ്ടായത്. ഇതേതുടര്‍ന്ന്, മുകളിലെ നിലകളിലെ ലോഡ്ജിലേക്ക് തീ പടരുകയായിരുന്നു. ഇതേതുടര്‍ന്നുണ്ടായ പുക ശ്വസിച്ചാണ് (secunderabad fire accident) ആളുകള്‍ മരിക്കാനിടയായത്. ലോഡ്ജിലെ 1, 2 നിലകളില്‍ താമസിക്കുന്ന ആളുകളാണ് മരിച്ചതെന്ന് ഹൈദരാബാദ് കമ്മിഷണര്‍ സി വി ആനന്ദ് പറഞ്ഞു.

ലോഡ്ജിലെ മുറികളില്‍ താമസിച്ചിരുന്നവരും തീപിടിത്തത്തെ തുടര്‍ന്ന് ഹോട്ടലില്‍ നിന്ന് ചാടി രക്ഷപെടാന്‍ ശ്രമിച്ചവരില്‍ ചിലരുമാണ് മരിച്ചതെന്നാണ് വിവരം. ഇരുപത്തിയഞ്ചോളം പേര്‍ ഇവിടെ താമസിച്ചതായാണ് വിവരം. ഷോര്‍ട്ട് സര്‍ക്യൂട്ടാണ് തീപിടിത്തത്തിന് കാരണമെന്ന് പ്രാഥമികമായി വിലയിരുത്തുന്നു. പാര്‍ക്കിങ്ങിലും ഷോറൂമിലും ബേസ്‌മെന്റിലും ഉണ്ടായിരുന്ന വാഹനങ്ങള്‍ക്ക് തീപിടിച്ചു.

Also Read: മംഗളൂരുവിൽ വാഹനാപകടം; മലയാളി നഴ്സിങ് വിദ്യാർഥിനിയ്ക്ക് ദാരുണാന്ത്യം

കെട്ടിടത്തില്‍ താമസിച്ച ബാക്കി ആളുകളെ പ്രദേശവാസികള്‍ രക്ഷിപ്പെടുത്തി. ഉടന്‍ തന്നെ അവരെ ആശുപത്രിയിലെത്തിച്ചു. അഗ്നിശമന രക്ഷാസേന സ്ഥലത്തെത്തിയതായി കമ്മിഷണര്‍ കൂട്ടിച്ചേര്‍ത്തു.

Read Latest Kerala News and Malayalam News