ഇമാന്‍റെ തുടർ ചികിത്സ ഇനി അബുദാബിയിൽ

ഭാരം കുറയ്ക്കാന്‍ മുംബൈയിലെത്തിയ ഇമാന്‍ അഹമ്മദിന്‍റെ ചികിത്സയിൽ നിന്ന് ഡോക്ടർമാർ പിൻമാറിയതിനാൽ ഇനി തുടർചികിത്സ അബുദാബിയിലെ വി.പി.എസ്.ഹെൽത്ത് കെയർ ആശുപത്രിയിൽ വച്ച് നടത്തും. മലയാളിയായ ഡോ. ഷംസീർ വയലിന്‍റെ ഉടമസ്ഥതയിലുള്ളതാണ് ഈ ആശുപത്രി. ഇമാൻ ചികിത്സയിലായിരുന്ന സൈഫി ആശുപത്രി അധികൃതർ വ്യാജറിപ്പോർട്ടുകൾ നൽകി എന്നുള്ള ബന്ധുക്കളുടെ ആരോപണത്തെ തുടർന്നാണ് ചികിത്സ അബുദാബിയിലേക്ക് മാറ്റിയത്.

ഇമാൻ ചികിത്സയോട് അത്ഭുതകരമായി പ്രതികരിക്കുന്നുണ്ടെന്നും ശരീരഭാരം പകുതിയോളം കുറഞ്ഞെന്നുമുള്ള വാർത്തകൾ പ്രചരിപ്പിച്ചത് തെറ്റാണെന്നാണ് ഇമാന്‍റെ സഹോദരി ഷൈമ വ്യക്തമാക്കിയത്. ഈ അവസ്ഥയിൽ ചികിത്സ അബുദാബിയിലേക്ക് മാറ്റുന്നതായിരിക്കും ഉചിതമെന്ന നിലപാടിലാണ് ഇവർ. ഇമാന്‍റെ ആരോഗ്യനില കൂടുതൽ വഷളായിരിക്കുകയാണ് ഈ സാഹചര്യത്തിൽ ഇമാന്‍റെ ജീവൻ രക്ഷിക്കണമെന്നാണ് മാതാവ് തനാ മുഹമ്മദ് ആവശ്യപ്പെടുന്നത്.

Eman Ahmed's will be shifted to abudabhi for further treatment

Eman Ahmed's next treatment will be continued in Dr.shamseer's hospital in abudhabi.