ഇന്ത്യയിൽ മണിക്കൂറില്‍ ഒരു വിദ്യാ‍ർഥി വീതം മരിക്കുന്നു,

ന്യൂഡൽഹി: ഇന്ത്യയില്‍ ഒരു മണിക്കൂറില്‍ ഒരു വിദ്യാര്‍ത്ഥി ആത്മഹത്യ ചെയ്യുന്നതായി പുതിയ റിപ്പോർട്ടുകൾ. 2016 ല്‍ ഇന്ത്യയില്‍ ആത്മഹത്യ ചെയ്തത് 9,474 കുട്ടികളാണ്. മഹാരാഷ്ട്രയിലും ബംഗാളിലുമാണ് ഇന്ത്യയില്‍ ഏറ്റവും കൂടുതല്‍ വിദ്യാര്‍ത്ഥികള്‍ ആത്മഹത്യചെയ്യുന്ന സംസ്ഥാനം.

അടുത്തിടെ എല്ലാ സംസ്ഥാനങ്ങളിൽ നിന്നും കേന്ദ്രഭരണ പ്രദേശങ്ങളിൽ നിന്നും കുട്ടികളുടെ ആത്മഹത്യ സംബന്ധിച്ച്‌ കേന്ദ്ര ആഭ്യാന്തര മന്ത്രാലയത്തിന് കണക്ക് സമര്‍പ്പിച്ചിരുന്നു, ഈ കണക്കനുസരിച്ച്‌ 2016ല്‍ രാജ്യത്ത് 9474 കുട്ടികളാണ് ആത്മഹത്യ ചെയ്തത്. 24 മണിക്കൂറില്‍ 26 കുട്ടികള്‍ മരിക്കുന്നുണ്ടെന്നാണ് കണക്ക്. പത്ത് വയസ്സു കഴിഞ്ഞ കുട്ടികള്‍ക്ക് തങ്ങളുടെ പ്രശ്നങ്ങള്‍ പങ്കു വെക്കാന്‍ ആരും ഇല്ലാത്തതും അവര്‍ക്ക് സമ്മര്‍ദ്ദം താങ്ങാന്‍ കവിയാത്തതുമാണ് ആത്മഹത്യക്ക് കാരണമാകുന്നതെന്നും ബെംഗളൂരു ആസ്ഥാനമായി പ്രവര്‍ത്തിക്കുന്ന ചൈല്‍ഡി ട്രസ്റ്റിന്റെ ഡയറക്ടര്‍ നരസിംഹ ജി റാവു പറഞ്ഞു.