2000 രൂപ വ്യാജനോട്ട് കടത്താൻ ശ്രമിച്ചവർ പിടിയില്‍

ബെംഗലൂരുവില്‍ വ്യത്യസ്‍ത സംഭവങ്ങളില്‍ ഏഴ് ലക്ഷം രൂപയുടെ കള്ളനോട്ട് പിടികൂടി. ദേശീയ അന്വേഷണ ഏജന്‍സി മുംബൈ ബ്രാഞ്ചും പോലീസും ചേര്‍ന്നാണ് 2000 രൂപ നോട്ടിന്‍റെ കള്ളനോട്ടുകള്‍ (ഫേക്ക് ഇന്ത്യന്‍ കറന്‍സി നോട്ട്‍സ്‍) പിടികൂടിയത്.

ബെംഗലൂരു ആളുരൂവില്‍ നിന്നാണ് ആദ്യത്തെ അറസ്റ്റ്. മൂന്നു പേരുടെ കൈയില്‍ നിന്നും 4.34 ലക്ഷം രൂപയുടെ വ്യാജ കറന്‍സികളാണ് കണ്ടെത്തിയത്. ബെംഗലൂരു നഗരത്തില്‍ ഒരു വനിതയുടെ പക്കല്‍ നിന്നും 2.5 ലക്ഷം രൂപയുടെ വ്യാജ നോട്ടുകളും പോലീസ് കണ്ടെടുത്തു.

കൂടുതല്‍ വിവരങ്ങള്‍ അന്വേഷണ ഏജന്‍സികള്‍ വെളിപ്പെടുത്തിയിട്ടില്ല.