ചെന്നൈ: വ്യാജ അഭിഭാഷകരെ പിടികൂടാന് ബാര് കൗണ്സില് നടത്തിയ സര്ട്ടിഫിക്കറ്റ് പരിശോധനയില് 21 വര്ഷം സേവനമനുഷ്ഠിച്ച മുന് മജിസ്ട്രേറ്റ് കുടുങ്ങി. മധുര ഉലകനേരിയിലുള്ള പി നടരാജനാണ് പിടിയിലായത്. സുപ്രീംകോടതി ഉത്തരവിനെത്തുടര്ന്നാണ് വ്യാജ അഭിഭാഷകരെ കണ്ടെത്താന് ബാര് കൗണ്സില് പരിശോധനയിലാണ് ഇയാള് പിടിയിലായത് .
ഇയാള്ക്ക് അഭിഭാഷകനായി പ്രവര്ത്തിക്കാന് പോലുമുള്ള വിദ്യാഭ്യാസ യോഗ്യതയില്ലെന്ന് പരിശോധനയില് തെളിഞ്ഞു. മൈസൂരു സര്വകലാശാലയ്ക്കുകീഴിലുള്ള ശാരദ ലോ കോളേജില് വിദൂരവിദ്യാഭ്യാസ പദ്ധതിപ്രകാരം ബി ജി എല് ബിരുദം നേടിയ നടരാജന് 1982-ലാണ് ജുഡീഷ്യല് മജിസ്ട്രേറ്റായത്. എന്നാല്, ഈ കോഴ്സ് പഠിച്ചവര്ക്ക് അഭിഭാഷകനായി പ്രവര്ത്തിക്കാന് കഴിയില്ല.
ഇത് മറച്ചുവെച്ചാണ് നിയമനം നേടിയത്. 21 വര്ഷത്തോളം മജിസ്ട്രേറ്റായി സേവനമനുഷ്ഠിച്ച നടരാജന് 2003 ലാണ് വിരമിച്ചത്. അതിനുശേഷം അഭിഭാഷകനായി പ്രവര്ത്തിച്ചുവരികയായിരുന്നു. ബാര് കൗണ്സിലിന്റെ യോഗ്യതാപരീക്ഷ വിജയിക്കാത്തവര്ക്കെതിരെയും ബാര് കൗണ്സില് നടപടിയെടുത്തിരുന്നു
ഇയാള്ക്ക് അഭിഭാഷകനായി പ്രവര്ത്തിക്കാന് പോലുമുള്ള വിദ്യാഭ്യാസ യോഗ്യതയില്ലെന്ന് പരിശോധനയില് തെളിഞ്ഞു. മൈസൂരു സര്വകലാശാലയ്ക്കുകീഴിലുള്ള ശാരദ ലോ കോളേജില് വിദൂരവിദ്യാഭ്യാസ പദ്ധതിപ്രകാരം ബി ജി എല് ബിരുദം നേടിയ നടരാജന് 1982-ലാണ് ജുഡീഷ്യല് മജിസ്ട്രേറ്റായത്. എന്നാല്, ഈ കോഴ്സ് പഠിച്ചവര്ക്ക് അഭിഭാഷകനായി പ്രവര്ത്തിക്കാന് കഴിയില്ല.
ഇത് മറച്ചുവെച്ചാണ് നിയമനം നേടിയത്. 21 വര്ഷത്തോളം മജിസ്ട്രേറ്റായി സേവനമനുഷ്ഠിച്ച നടരാജന് 2003 ലാണ് വിരമിച്ചത്. അതിനുശേഷം അഭിഭാഷകനായി പ്രവര്ത്തിച്ചുവരികയായിരുന്നു. ബാര് കൗണ്സിലിന്റെ യോഗ്യതാപരീക്ഷ വിജയിക്കാത്തവര്ക്കെതിരെയും ബാര് കൗണ്സില് നടപടിയെടുത്തിരുന്നു