അറസ്‍റ്റ് ഭയന്ന് സക്കീര്‍ നായിക് പിതാവിന്‍റെ സംസ്കാരത്തിന് എത്തിയില്ല

മുംബൈ: വിവാദ പ്രാസംഗികൻ സക്കീർ നായിക് അറസ്റ്റു ഭയന്ന് പിതാവിൻ്റെ ശവസംസ്‍കാരത്തിന് മുംബൈയില്‍ എത്തിയില്ല. ഇന്നലെ മുംബൈയിലെ സ്വകാര്യ ആശുപത്രിയിലാണ് 88 കാരനായ ഡോ.അബ്ദുൾ കരീം നായിക് മരിച്ചത്. സകീർ നായിക് ഇപ്പോൾ മലേഷ്യയിലാണ് കഴിയുന്നതെന്നാണ് സൂചന.

ബോംബെ സൈക്യാട്രിക് സൊസൈറ്റിയുടെ പ്രസിഡന്‍റായി ഡോ.അബ്ദുൾ കരീം നായിക് സേവനമനുഷ്ഠിച്ചിട്ടുണ്ട്. ധാക്ക ആക്രമണത്തിന് പിന്നിൽ പ്രവർത്തിച്ചവർക്കു പ്രചോദനമായത് സക്കീർ നായിക്കിന്‍റെ പ്രസംഗങ്ങൾ ആണെന്നതാണ് നായിക്കിനെതിരെയുള്ള കേസ്. ആദ്യം സൗദിയിലും പിന്നീട് മലേഷ്യയിലുമാണ് നായിക് അഭയം തേടിയത്.സംസ്കാര ചടങ്ങുകളിൽ പങ്കെടുക്കാൻ എത്തിയവർ എൻഐഎയുടെയും പോലീസിന്‍റെയും കർശന നിരീക്ഷണത്തിൽ ആയിരുന്നു.

Fearing arrest, Zakir Naik skips father’s funeral in Mumbai